கிராபுண்டன் மாநிலத்தின் (Graubünden) சூர் நகரம் (Chur) உக்ரைனுக்கு இரண்டு பஸ்களை இலவசமாகக் கொடுக்கிறது. முதல் பஸ் ஏற்கனவே புறப்பட்டுவிட்டது.
இந்த பஸ்கள் மேற்கு உக்ரைனில் உள்ள சோர்ட்கிவ் (Chortkiv) நகரத்துக்குப் போகின்றன. போரினால் பாதிக்கப்பட்ட இந்த நகரம் சூரிலிருந்து சுமார் 1,700 கிலோமீட்டர் தொலைவில் உள்ளது. இரண்டாவது பஸ் இன்னும் சில மாதங்களில் போகும்.
சோர்ட்கிவ் நகரத் தலைவர் நன்றி சொல்லியிருக்கிறார். இந்த பஸ்ஸால் பிள்ளைகள் பள்ளிக்குப் போகலாம், மக்கள் வேலைக்குப் போகலாம் என்கிறார். மாற்றுத்திறனாளிகளும் இதில் ஏறலாம். போரில் காயமடைந்த பலர் அங்கே இருப்பதால் இது முக்கியம் என்றும் அவர் கூறினார்.
பஸ்களின் மீதமுள்ள மதிப்பு சுமார் 33,000 பிராங்க். இதில் பெரும்பகுதியை சூர் நகரசபை கொடுக்கிறது. மீதியை நகரின் பஸ் நிறுவனம் ஏற்கிறது.
குளிர்காலம் நெருங்குவதால் உக்ரைன் மக்கள் மிகக் கடினமான நிலையில் இருக்கிறார்கள் என்று சூர் நகரசபை உறுப்பினர் சொல்கிறார். அதனால்தான் உதவ முடிவு செய்ததாகவும், சுவிஸ் அரசும் இந்த உதவியை ஆதரிப்பதாகவும் அவர் கூறினார்.
கிராபுண்டனின் மற்ற ஊர்களுடன் சேர்ந்து ஒரு உதவித் தளம் மூலம் சூர் செயல்படுகிறது. சுவிஸ்ஸின் வேறு சில நகரங்களும் ஏற்கனவே உதவி அனுப்பியுள்ளன. ஜெனரேட்டர், டிரான்ஸ்பார்மர், கம்ப்யூட்டர் போன்றவையும் அனுப்பப்பட்டன. வரும் மாதங்களில் இன்னும் சில உதவித் திட்டங்கள் அறிவிக்கப்படும்.
மூலம்: RSI
புகைப்படம்: Lina / Unsplash





