சுவிஸ்

ஒலிம்பிக் செலவு: கிரௌபுண்டனுக்கு லொம்பார்டி கொடுப்பது கேட்டதில் பாதிக்கும் குறைவு

மிலான்–கோர்ட்டினா குளிர்கால ஒலிம்பிக் முடிந்து கிட்டத்தட்ட 9 மாதங்கள் ஆகின்றன. இத்தாலியின் லொம்பார்டி பிராந்தியம் (Lombardia), சுவிஸ் கிரௌபுண்டன் மாநிலத்துக்கு (Graubünden) செலவுப் பணத்தை ஓரளவு மட்டுமே திருப்பிக் கொடுக்கிறது.

போட்டிகளின்போது லிவிக்னோவுக்கு (Livigno) பொதுப் போக்குவரத்தில் மட்டுமே போக முடிந்தது. அதனால் ஸெர்னெஸ் (Zernez) முதல் லிவிக்னோ வரை பஸ், பார்க்கிங் வசதிகளை கிரௌபுண்டன் மாநிலம் ஏற்பாடு செய்தது. அதற்கான செலவில், தன் சொந்த செலவுகளைக் கழித்து, கிட்டத்தட்ட 26 இலட்சம் பிராங்க் தர வேண்டும் என்று லொம்பார்டியிடம் கேட்டது.

இன்று திங்கள்கிழமை லொம்பார்டியின் போக்குவரத்துத் துறை பதில் அனுப்பியது. சுமார் 9.5 இலட்சம் பிராங்க் (10 இலட்சம் யூரோ) தருவதாக அதில் சொல்லியிருக்கிறது. அதாவது கேட்ட தொகையில் பாதிக்கும் குறைவு.

இந்தத் தொகையை எப்படிக் கணக்கிட்டார்கள் என்று கிரௌபுண்டன் அரசுக்கு இன்னும் தெரியவில்லை. அதனால் மாநில அரசின் தலைவர் மார்ட்டின் பூலர் (Martin Bühler) இப்போது எந்தக் கருத்தும் சொல்லவில்லை. கோடையில், பணம் தராவிட்டால் எல்லை தாண்டி வேலைக்கு வரும் இத்தாலியத் தொழிலாளர்களின் வரிப் பணப் பங்கை நிறுத்தலாம் என்று கிரௌபுண்டன் சொல்லியிருந்தது.

இதே தொகையில் முடிந்தால் இரு தரப்புக்கும் இடையே மோதல் வரலாம் என்று சொல்லப்படுகிறது. ஆனாலும் இரண்டு அரசுகளும் நல்ல உறவைத் தொடர விரும்புவதாக பலமுறை சொல்லியுள்ளன.


மூலம்: RSI
புகைப்படம்: Kevin Schmid / Unsplash

மேலும் வாசிக்க

Related Articles

Leave a Reply

Your email address will not be published. Required fields are marked *

Back to top button