சுவிஸ்

ரேகா நிறுவனம் மீது சைபர் தாக்குதல்: 8,200 வாடிக்கையாளர்களின் தகவல்கள் திருடப்பட்டன

சுவிஸ் விடுமுறை நிறுவனமான ரேகா (Reka) மீது ஹேக்கர்கள் சைபர் தாக்குதல் நடத்தியுள்ளனர். கடந்த ஞாயிற்றுக்கிழமை மாலை இது நடந்தது.

ரேகா 1939-ல் தொடங்கப்பட்ட ஒரு சுவிஸ் கூட்டுறவு அமைப்பு. குடும்பங்களுக்கான விடுமுறை இல்லங்களை நடத்துகிறது. விடுமுறைச் செலவுகளுக்கான ரேகா பணத்தையும் வழங்குகிறது.

ஹேக்கர்கள் வாடிக்கையாளர்களின் தனிப்பட்ட தகவல்களையும் பயண விவரங்களையும் எடுத்துள்ளனர். சுமார் 8,200 வாடிக்கையாளர்கள் பாதிக்கப்பட்டுள்ளனர். அவர்களுக்கு ரேகா தகவல் கொடுத்துள்ளது.

சில வாடிக்கையாளர்களுக்கு வாட்ஸ்அப்பில் போலி மெசேஜ் வந்தது. அதைப் பார்த்துத்தான் நிறுவனத்துக்கு விஷயம் தெரிந்தது. மெசேஜ்கள் அவர்களின் விடுமுறை முன்பதிவைப் பற்றியவை. சிலவற்றில் சரியான தனிப்பட்ட தகவல்களும் பயணத் தேதிகளும் இருந்தன. முன்பதிவை உறுதிப்படுத்த ஒரு லிங்கைக் கிளிக் செய்யச் சொன்னார்கள்.

ஹேக்கர்கள் யார் என்பது இன்னும் தெரியவில்லை. தகவல்களை எப்படி எடுத்தார்கள் என்பதும் தெரியவில்லை. ரேகா போலீசில் புகார் கொடுத்துள்ளது. சைபர் பாதுகாப்பு நிபுணர்களுடன் சேர்ந்து விசாரித்து வருகிறது.

வேறு வழிகளிலும் மோசடி முயற்சிகள் வரலாம் என்று ரேகா எச்சரிக்கிறது. வாடிக்கையாளர்கள் கவனமாக இருக்க வேண்டும். தனிப்பட்ட தகவல்களையோ பணம் செலுத்தும் விவரங்களையோ எந்தச் சூழலிலும் கொடுக்கக் கூடாது என்றும் கூறியுள்ளது.


மூலம்: RSI
புகைப்படம்: Dan Nelson / Unsplash

மேலும் வாசிக்க

Related Articles

Leave a Reply

Your email address will not be published. Required fields are marked *

Back to top button