சுவிஸ்

4 கிலோமீட்டருக்கு 128 பிராங்க்! பார்வையற்றவரிடம் டாக்ஸி டிரைவர் அதிகக் கட்டணம்

சூரிச்சில் (Zürich) பார்வையற்ற ஒருவரிடம் டாக்ஸி டிரைவர் 4 கிலோமீட்டர் பயணத்துக்கு 128 பிராங்க் வசூலித்துள்ளார். அவர் இப்போது இந்த டிரைவரைப் பற்றிப் புகார் செய்திருக்கிறார்.

அந்த மனிதர் சூரிச் ஏரிக்கரையில் உள்ள தன் படகோட்டும் கிளப்புக்குப் போக வேண்டியிருந்தது. Uber டிரைவர் உடனே கிடைக்கவில்லை. அதனால் Uber செயலி மூலமே சாதாரண டாக்ஸி ஒன்றைப் பதிவு செய்தார். பயணம் முடிந்ததும் கட்டணம் எவ்வளவு என்று கேட்டார். “கவலைப்படாதீர்கள்” என்று டிரைவர் சொன்னார். மீட்டரைப் பார்க்க அவரால் முடியாது. டிரைவரை நம்பி டிப்ஸும் கொடுத்தார். சில மணி நேரம் கழித்துப் பார்த்தால், அவர் கணக்கிலிருந்து 128 பிராங்க் எடுக்கப்பட்டிருந்தது.

அவர் உடனே Uber-இடம் முறையிட்டார். டாக்ஸி தொழிலாளர் சங்கமே இது அநியாயமான தொகை என்று சொன்னது. கடைசியில் Uber கட்டணத்தை 45 பிராங்காகக் குறைத்தது. அவர் போலீசில் புகார் கொடுக்கவில்லை. ஆனால் இனி சாதாரண டாக்ஸிகளில் ஏறமாட்டேன் என்கிறார்.

2024 ஜனவரி முதல் சூரிச்சில் டாக்ஸி டிரைவர்கள் தங்கள் கட்டணத்தைத் தாங்களே முடிவு செய்யலாம். அதிலிருந்து அதிகக் கட்டணப் புகார்கள் கூடிக்கொண்டே போகின்றன. அதனால் டாக்ஸி சங்கங்களும் சூரிச் சுற்றுலா அமைப்பும் (Zurich Tourisme) கட்டணத்துக்கு ஓர் உச்சவரம்பு வேண்டும் என்று கேட்கின்றன.


மூலம்: Le Matin
புகைப்படம்: Andreas Slotosch / Unsplash

மேலும் வாசிக்க

Related Articles

Leave a Reply

Your email address will not be published. Required fields are marked *

Back to top button