ஜெர்மனியில் இருந்து சுவிஸுக்கு அனுப்பப்பட்ட 62,000 பிராங்க் மதிப்புள்ள போலி நோட்டுகளை சுவிஸ் சுங்க அதிகாரிகள் பறிமுதல் செய்துள்ளனர். துர்காவ் மாநிலத்தில் (Thurgau) உள்ள ஃப்ராவன்ஃபெல்ட் (Frauenfeld) பார்சல் மையத்தில் இது சிக்கியது.
பார்சலில் யூரோ மற்றும் டாலர் நோட்டுகள் இருந்தன. அது பாசல்-லாண்ட்ஷாஃப்ட் மாநிலத்தில் (Basel-Landschaft) வசிக்கும் ஒருவருக்கு அனுப்பப்பட்டிருந்தது. அக்டோபர் மாத நடுப்பகுதியில் இந்தச் சோதனை நடந்தது. சுவிஸ் சுங்க மற்றும் எல்லைப் பாதுகாப்பு அலுவலகம் (BAZG) திங்கட்கிழமை இந்தத் தகவலை வெளியிட்டது.
பார்சலில் “Spielgeld” என்று எழுதியிருந்தது. அதாவது விளையாட்டுக்கான பணம். ஆனால் நோட்டுகள் உண்மையான பணம் போலவே இருந்தன. அதனால் அதிகாரிகள் அவற்றைப் போலி நோட்டுகளாகவே கணக்கிட்டனர்.
சுவிஸ் சட்டப்படி, உண்மையான நோட்டுகள் என்று தவறாக நினைக்கும் அளவுக்கு இருந்தால், அந்த நகல்கள் போலி நோட்டுகள்தான். எதற்காக வாங்கினாலும் இதே விதி. படங்களில் பயன்படுத்தும் பொருள் என்று விற்கப்படும் “Movie Money”, “Prop Copy” போன்றவற்றை இணையத்தில் வாங்குவது பற்றி சுங்க அலுவலகம் எச்சரித்துள்ளது.
மூலம்: RSI
புகைப்படம்: Jason Leung / Unsplash





