சுவிஸில் இரண்டாவது பெரிய பால் பதப்படுத்தும் நிறுவனமான க்ரெமோ (Cremo) பெரிய நஷ்டத்தில் இருக்கிறது. இந்த நிறுவனம் பிரிபூர் மாநிலத்தில் (Fribourg) உள்ளது.
கடந்த 4 ஆண்டுகளில் க்ரெமோவுக்கு 75 மில்லியன் பிராங்குக்கு மேல் நஷ்டம். 2025-இல் மட்டும் சுமார் 17 மில்லியன் பிராங்க் நஷ்டம். தேவைக்கு மேல் பால் உற்பத்தி, கடுமையான போட்டி, வெண்ணெய், பால் பவுடருக்குக் குறைந்த லாபம் ஆகியவை காரணங்கள். பழைய இயந்திரங்களால் உற்பத்தி நின்றது. ஒரு சீஸ் தொழிற்சாலையிலும் பெரிய தீ விபத்து நடந்தது.
செலவைக் குறைக்க நிறுவனம் நிறைய செய்துவிட்டது. லாபம் தராத இடங்களை மூடியது. வேலை முறைகளை எளிதாக்கியது. சில போக்குவரத்து வேலைகளை வெளியாட்களிடம் கொடுத்தது. ஆனாலும் நிலைமை மாறவில்லை. இப்போது லாபத்துக்குத் திரும்ப புதிய திட்டம் தயாராகிறது. அது வெற்றி பெறுமா என்பது இன்னும் தெரியவில்லை.
க்ரெமோ ஒவ்வொரு நாளும் சுமார் 10 இலட்சம் லிட்டர் பாலைப் பதப்படுத்துகிறது. சுமார் 1,100 பால் பண்ணையாளர்கள் இவர்களுக்குப் பால் கொடுக்கிறார்கள். தேவைக்கு மேல் இருக்கும் பாலை வெண்ணெயாகவும் பால் பவுடராகவும் மாற்றுவது இவர்கள்தான். அதனால் சுவிஸ் பால் சந்தை சமநிலையில் இருக்கிறது என்கிறார் பெர்ன் உயர்கல்வி நிறுவனத்தின் வேளாண் சந்தை நிபுணர்.
பிரிபூருக்கு அருகில் போசியூ (Posieux) பகுதியில் சுமார் 380 மாடுகளுடன் பெரிய பண்ணை நடத்துபவர் ஒருவரும் க்ரெமோவுக்குத்தான் பால் கொடுக்கிறார். இவ்வளவு பெரிய பண்ணைக்கு உடனே வேறு வாங்குபவரைக் கண்டுபிடிப்பது எளிதல்ல. ஆனாலும் புதிய திட்டத்தால் க்ரெமோ மீண்டு வரும் என்று அவர் நம்புகிறார்.
மூலம்: SRF
புகைப்படம்: Ricardo Gomez Angel / Unsplash
