பெர்ன் மாநிலத்தில் (Bern) உள்ள மாடிஸ்வில் (Madiswil) கிராமத்தில் செவ்வாய்க்கிழமை காலை நடந்த விபத்தில் 49 வயதான கார் ஓட்டுநர் உயிரிழந்தார். கார் ஒரு லாரியுடன் நேருக்கு நேர் மோதியது.
விபத்து காலை 7.30 மணிக்குச் சற்றுப் பிறகு Unterdorfstrasse சாலையில் நடந்தது. மாடிஸ்வில் நோக்கிச் சென்ற கார், திடீரென எதிர்ப் பாதைக்குள் போய்விட்டது. அங்கே எதிரே வந்த லாரியுடன் பலமாக மோதியது. ஏன் அப்படிப் போனது என்பது இன்னும் தெரியவில்லை.
மோதிய வேகத்தில் கார் சுழன்று நின்றது. ஓட்டுநர் காருக்குள் சிக்கிக் கொண்டார். தீயணைப்பு வீரர்கள் அவரை வெளியே எடுத்தார்கள். உயிர்ப்பிக்க முயற்சி செய்தும் பலன் இல்லை. அவர் சம்பவ இடத்திலேயே இறந்துவிட்டார்.
பல மணி நேரம் சாலை மூடப்பட்டது. லாரி ரயில் பாதைக்கு அருகில் இருந்ததால், ட்ரெயின் போக்குவரத்தும் மெதுவாக நடந்தது.
பெர்ன் மாநிலப் போலீஸ் விசாரணையைத் தொடங்கியுள்ளது. விபத்தைப் பார்த்தவர்கள் யாராவது இருந்தால் தகவல் தருமாறு போலீஸ் கேட்டுக்கொண்டுள்ளது.
மூலம்: Le Matin
புகைப்படம்: Vitalii Onyshchuk / Unsplash
