சிறுவயதில் பாலியல் துஷ்பிரயோகத்தால் பாதிக்கப்பட்டவர்கள், சட்டங்கள் உருவாகும் இடத்தில் தங்கள் குரலும் ஒலிக்க வேண்டும் என்கிறார்கள். இதற்காக செவ்வாய்க்கிழமை பேர்ன் (Bern) நகரில் “Be Brave Switzerland” என்ற புதிய அமைப்பைத் தொடங்கியுள்ளனர்.
இது “Brave Movement” என்ற உலகளாவிய இயக்கத்தின் சுவிஸ் பிரிவு. வாலே மாநிலத்தைச் (Valais) சேர்ந்த Lagopaid என்ற அமைப்புடன் சேர்ந்து இது உருவானது. Lagopaid தலைவர் சோஃபி ஜூலியெட் இன் அல்பொன் (Sophie Juliette In Albon) இதை நிறுவியவர்.
அவர்களின் கோரிக்கை தெளிவானது. பாதிக்கப்பட்டவர்கள் மட்டுமே உறுப்பினர்களாக இருக்கும் ஒரு தேசிய ஆணையம் வேண்டும். அந்த ஆணையம் நாடாளுமன்றத்தில் பேசி, குழந்தைகளைப் பாதுகாக்கும் சட்டங்களை மேம்படுத்த யோசனைகள் கொடுக்கும். தங்களுக்குத் தேவை பரிதாபம் இல்லை, சட்டங்கள் முடிவாகும் மேசையில் ஓர் இடம் என்கிறார் இன் அல்பொன்.
தங்கள் பெயரை வெளியே சொல்ல விரும்பாதவர்களும் இதில் சேரலாம். அவர்கள் “செயலற்ற உறுப்பினர்களாக” இருக்கலாம்.
சுவிஸில் இது பற்றிய கடைசி ஆய்வு 2012-ல் நடந்தது. அதன்படி, 18 வயதுக்கு முன் உடல் தொடர்புடன் கூடிய பாலியல் வன்முறையை 5 பெண் பிள்ளைகளில் ஒருவரும், 12 ஆண் பிள்ளைகளில் ஒருவரும் சந்தித்துள்ளனர்.
மூலம்: RSI
புகைப்படம்: Marco Oriolesi / Unsplash
