இலங்கை கிரிக்கெட் வீரர் சோனால் தினுஷா, டெஸ்ட் கிரிக்கெட்டில் 6ஆம் நிலை அல்லது அதற்குக் கீழ் துடுப்பெடுத்தாடி, ஒரே டெஸ்ட் போட்டியின் இரு இன்னிங்ஸ்களிலும் சதம் அடித்த முதல் வீரர் என்ற வரலாற்றுச் சாதனையைப் படைத்துள்ளார்.
இந்தியாவுக்கு எதிரான இரண்டாவது டெஸ்ட் போட்டியில், தனது இரண்டாவது சதத்தையும் நிறைவு செய்ததன் மூலம் தினுஷா இந்த அரிய சாதனையைப் படைத்துள்ளார். இதன் மூலம் இந்தியாவுக்கு எதிரான தொடரில் தனது சிறப்பான துடுப்பாட்டத்தை அவர் தொடர்ந்து வெளிப்படுத்தியுள்ளார்.
டெஸ்ட் கிரிக்கெட் வரலாற்றில் இதற்கு முன்னர், 6ஆம் நிலை அல்லது அதற்குக் கீழ் துடுப்பெடுத்தாடி ஒரே டெஸ்ட் போட்டியின் இரு இன்னிங்ஸ்களிலும் சதம் அடித்த வீரர் எவரும் இல்லை என்பது குறிப்பிடத்தக்கது.
இந்தத் தொடரில் இலங்கையின் முக்கிய வீரர்களில் ஒருவராக தினுஷா உருவெடுத்துள்ளார். குறிப்பாக கீழ் மத்திய வரிசையில் அழுத்தமான சூழ்நிலைகளில் சிறப்பாக விளையாடி, அணிக்கு தொடர்ந்து முக்கிய பங்களிப்புகளை வழங்கி வருகிறார்.
மேலும், இந்தப் போட்டியில் அவர் அடித்த சதம், நடப்பு தொடரில் அவரது மூன்றாவது சதமாகும். இதன் மூலம் இந்தியாவுக்கு எதிரான தொடரில் அவரது அபாரமான துடுப்பாட்டத் திறமை மேலும் உறுதிப்படுத்தப்பட்டுள்ளது.
