சுவிஸ்

கிரான்ஸ்-மொந்தானா தீ விபத்து: உயிர் தப்பிய 3 இளைஞர்கள் புத்தகம் வெளியிடுகிறார்கள்

கிரான்ஸ்-மொந்தானா (Crans-Montana) கொன்ஸ்டலேஷன் (Constellation) பாரில் நடந்த தீ விபத்தில் உயிர் தப்பிய மூன்று இத்தாலிய இளைஞர்கள், தங்கள் அனுபவங்களை புத்தகமாக வெளியிடுகிறார்கள்.

பிரான்செஸ்கா நோட்டா (Francesca Nota), லெயனார்டோ போவே (Leonardo Bove), கீன் தாலிங்டான் (Kean Talingdan) ஆகிய மூவருக்கும் அப்போது 16 வயது. மூவரும் தீயில் கடுமையாக எரிந்தும் உயிர் பிழைத்தார்கள். இவர்கள் மிலான் (Milan) நகரப் பள்ளியில் ஒரே வகுப்பில் படிக்கும் நெருங்கிய நண்பர்கள். சென்ற வாரம் இத்தாலிய தேசிய கால்பந்து அணி இவர்களை அழைத்து வரவேற்றது.

புத்தகத்தின் பெயர் «இரவு முடியும்போது». இத்தாலிய பத்திரிகையாளர் ஒருவரின் உதவியுடன் எழுதியிருக்கிறார்கள். இத்தாலிய நாளிதழ் «கொரியேரே தெல்லா செரா» (Corriere della Sera) சில பகுதிகளை முதலில் வெளியிட்டுள்ளது.

பிரான்செஸ்கா கிட்டத்தட்ட 7 மாதங்கள் மருத்துவமனையில் இருந்தார். மருந்தின் மயக்கத்தில், ஒரு நண்பர் படுக்கை அருகே இருந்து ஆறுதல் சொன்னதாக உணர்ந்தார். ஆனால் அவர் அங்கே இருக்கவில்லை. லெயனார்டோ தீ பிடித்தபோது, நண்பருடன் இயேசுவைப் பற்றிப் பேசிக்கொண்டிருந்தார். மேலிருந்து வந்த உதவியால்தான் தான் தப்பினேனா என்று இப்போதும் யோசிக்கிறார்.

கீன் தன் கதையில் கியாரா (Chiara) என்ற பெண்ணைப் பற்றி எழுதியிருக்கிறார். அவளை அவருக்குப் பிடித்திருந்தது. அந்த இரவு தைரியமாகப் போய்ப் பேசினார். இருவரும் முத்தமிட்டு, மீதி இரவை ஒன்றாகக் கழித்தார்கள். ஆனால் கியாரா அந்த பாரிலிருந்து உயிரோடு வெளியே வரவில்லை. அந்த நினைவு தனக்கு மிக அழகானதும், மிக வலி தருவதும் என்கிறார் கீன்.


மூலம்: Le Matin
புகைப்படம்: Alexis Brown / Unsplash

மேலும் வாசிக்க

Related Articles

Leave a Reply

Your email address will not be published. Required fields are marked *

Back to top button