இந்த ஆண்டு கோடையில் நிலவிய கடும் வெப்பமும் வறட்சியும் சுவிஸ் விவசாயிகளின் வருமானத்தைக் கணிசமாகக் குறைத்துள்ளன. சுவிஸ் மத்திய புள்ளிவிவர அலுவலகம் (UST) செவ்வாய்க்கிழமை இதை அறிவித்தது.
2026-இல் சுவிஸ் விவசாயத்தின் மொத்த வருமானம் ஏறக்குறைய 12 சதவீதம் குறையும் என மதிப்பிடப்பட்டுள்ளது. கடந்த 2025 விவசாயிகளுக்கு நல்ல ஆண்டாக இருந்தது. இந்த ஆண்டு நிலைமை தலைகீழாக மாறிவிட்டது.
வயல்களில்தான் பாதிப்பு அதிகம். உருளைக்கிழங்கு விளைச்சலின் மதிப்பு நான்கில் ஒரு பங்கு குறைந்தது. சர்க்கரைக் கிழங்கு (sugar beet) அறுவடையும் மிகக் குறைவு. இரண்டுமே கடந்த 30 ஆண்டுகளில் மிக மோசமான அறுவடை. மாடுகளுக்கான தீவனப் புல்லும் குறைவாகவே கிடைத்தது. திராட்சைத் தோட்டங்களும் பழத் தோட்டங்களும் பாதிக்கப்பட்டன. தானியங்கள் மட்டும் முன்கூட்டியே நல்ல மகசூலுடன் அறுவடை ஆனது. தண்ணீர் பாய்ச்சும் காய்கறித் தோட்டங்களும் ஓரளவு தப்பின.
கால்நடைத் துறையில் நிலைமை கலவையாக உள்ளது. மாட்டிறைச்சித் துறை 1990-களின் தொடக்கத்துக்குப் பிறகு மிக நல்ல நிலையில் இருக்கிறது. ஆனால் பன்றி இறைச்சி சந்தையில் உற்பத்தி தேவையை விட அதிகமாகிவிட்டது. அதனால் விலை பெரிதும் சரிந்துவிட்டது.
மூலம்: RSI
புகைப்படம்: S Mazzikim / Unsplash





