ஆகஸ்ட் 28 அன்று ஆர்காவ் (Aargau), சோலொத்தூர்ன் (Solothurn) மாநிலங்களில் வீசிய புயல், ஆலங்கட்டி மழையின் சேதம் முதலில் நினைத்ததை விட மிகவும் அதிகம் என்று இப்போது தெரியவந்துள்ளது.
ஆர்காவ் மாநிலத்தில் கட்டிடங்களுக்கான காப்பீட்டு நிறுவனம் (AGV) சேதத்தை சுமார் 120 மில்லியன் பிராங்க் என்று கணக்கிடுகிறது. முதலில் 30 மில்லியன் தான் என்று நினைத்திருந்தார்கள். ஆயிரக்கணக்கான புகார்கள் வந்துள்ளன. பெரும்பாலானவை ஜன்னல் ஸ்டோர்கள் உடைந்த சிறிய சேதங்கள். ஆனால் சில வீடுகளின் முழு கூரையும், சோலார் பேனல்களும் சேதமடைந்துள்ளன.
சோலொத்தூர்ன் மாநிலத்தில் நிலைமை இன்னும் மோசம். அங்கு சேதம் 150 மில்லியன் பிராங்குக்கு மேல். சுமார் 15,000 கட்டிடங்கள் பாதிக்கப்பட்டுள்ளன. இந்த நிறுவனத்தின் நீண்ட வரலாற்றில் இப்படி ஒரு சம்பவம் இதுவரை நடந்ததில்லை என்று அதன் தலைவர் சொல்கிறார். மூன்றில் இரண்டு பங்கு சேதங்களுக்கு ஏற்கனவே பணம் கொடுத்து முடித்துவிட்டார்கள்.
மக்களுக்கு நிம்மதியான செய்தி ஒன்று உண்டு. இரண்டு நிறுவனங்களிடமும் போதுமான சேமிப்புப் பணம் இருக்கிறது. அதனால் ஆர்காவில் காப்பீட்டுக் கட்டணம் உயராது. சோலொத்தூர்னில் 2027-ல் உயராது. 2028-க்கு இன்னும் முடிவு செய்யவில்லை.
இனிமேல் இப்படிப்பட்ட பெரிய புயல்கள் அடிக்கடி வரலாம் என்று சோலொத்தூர்ன் நிறுவனம் சொல்கிறது. அதனால் வீடு கட்டும்போதும், சோலார் பேனல் போடும்போதும் ஆலங்கட்டியைத் தாங்கும் வலுவான பொருட்களைப் பயன்படுத்தச் சொல்கிறது.
மூலம்: SRF
புகைப்படம்: CH L / Unsplash





