சுவிஸ் பாசல் (Basel) மிருகக்காட்சிசாலையில் ஒரு அரிய இந்தியக் காண்டாமிருகக் குட்டி பிறந்துள்ளது. நவம்பர் 5-ஆம் தேதி நள்ளிரவுக்கு சற்று முன்பு இந்தப் பெண் குட்டி பிறந்தது.
குட்டிக்கு Xshama என்று பெயர் வைத்துள்ளனர். தாயின் பெயர் Shakti. அவளுக்கு 9 வயது. இது அவளுடைய இரண்டாவது குட்டி. முதல் குட்டி 2022-இல் பிறந்தது. தந்தை Puri-க்கு 11 வயது. அவனுக்கு இதுதான் முதல் குட்டி.
பிரசவம் அமைதியாக நடந்தது. தாயும் குட்டியும் நலமாக இருக்கிறார்கள். முதல் சில நாட்கள் இருவரும் கொட்டகையில் ஒன்றாகவே இருப்பார்கள். காண்டாமிருகங்கள் பொதுவாகத் தனியாக வாழும். பெண் காண்டாமிருகம் தன் குட்டியுடன் மட்டுமே சேர்ந்து இருக்கும்.
இந்த வகை காண்டாமிருகங்கள் இப்போது அழியும் ஆபத்தில் உள்ளன. சமீப ஆண்டுகளில் அவற்றின் எண்ணிக்கை மிகவும் குறைந்துவிட்டது. இயற்கையைப் பாதுகாக்கும் சர்வதேச அமைப்பு (IUCN) இவற்றை ஆபத்தில் உள்ள விலங்குகள் பட்டியலில் வைத்திருக்கிறது.
பாசல் மிருகக்காட்சிசாலை 70 ஆண்டுகளாக இவற்றைப் பாதுகாத்து வருகிறது. 1956-இல் உலகில் முதல்முறையாக ஒரு மிருகக்காட்சிசாலையில் இந்த வகைக் குட்டி பிறந்தது பாசலில்தான். அன்று அது பெரிய செய்தியாக இருந்தது. அதன் பிறகு இங்கே 38 குட்டிகள் பிறந்துள்ளன.
மூலம்: SRF
புகைப்படம்: Stanley Chang / Unsplash
