லுசேர்ன் (Luzern) நகரின் புகழ்பெற்ற சிறிய அரங்கு “Kleintheater”-க்கு, புதிய கட்டடத்தில் 2033 முதல் இடம் கிடைக்கும். ஆனால் வாடகை கிட்டத்தட்ட மூன்று மடங்காக உயரும்.
இந்த அரங்கில் கபரே நிகழ்ச்சிகள், இசை, நூல் வாசிப்பு, குழந்தைகள் நிகழ்ச்சிகள் நடக்கின்றன. பிரபல கலைஞர் எமில் ஸ்டைன்பெர்கர் (Emil Steinberger) 57 ஆண்டுகளுக்கு முன் இதைத் தொடங்கினார். 2024 தொடக்கத்தில் அரங்கு மூடப்படும் ஆபத்து வந்தது.
கட்டடத்தின் உரிமையாளர் லுசேர்ன் ஓய்வூதிய நிதி அமைப்பு (LUPK). போலீஸ் ஊழியர்கள், ஆசிரியர்களின் ஓய்வூதியப் பணத்தை இவர்கள்தான் நிர்வகிக்கிறார்கள். பழைய கட்டடத்தை இடித்துப் புதியது கட்ட அவர்கள் முடிவு செய்தார்கள். புதிய கட்டடத்தில் அரங்குக்கு இடம் கொடுத்தால் லாபம் குறையும் என்று சொன்னார்கள்.
இப்போது அரங்குக்கு வாடகை ஒப்பந்தம் கிடைத்துள்ளது. ஆனால் இனி சந்தை விலைக்கே வாடகை கட்ட வேண்டும். உள் அமைப்புக்கான பணம் இன்னும் இல்லாததால், 2027 கோடைக்குள் உத்தரவாதப் பணத்தையும் காட்ட வேண்டும். மொத்தம் 8 மில்லியன் பிராங்க் திரட்ட வேண்டிய நிலை.
டிக்கெட் விலையை உயர்த்த அரங்கம் விரும்பவில்லை. நிகழ்ச்சிகளையும் மாற்றும் எண்ணம் இல்லை. லுசேர்ன் நகர அரசு உதவ முன்வந்துள்ளது. உள் அமைப்புக்காக சுமார் 2 மில்லியன் பிராங்க் சிறப்பு நிதி கேட்டு நகர நாடாளுமன்றத்தில் மனு கொடுத்துள்ளது. டிசம்பர் நடுவில் விவாதம் நடக்கும். மீதிப் பணத்தை அறக்கட்டளைகள் தர வேண்டும்.
மூலம்: SRF
புகைப்படம்: Rob Laughter / Unsplash
