சுவிஸின் பாசல் (Basel) நகர மையத்தில் புதிய மினிகோல்ஃப் பார் திறந்திருக்கிறது. சில நாட்களுக்கு முன்புதான் இது திறக்கப்பட்டது.
இந்த இடம் முன்பு “சென்ட்ரல்” (Central) என்ற பழைய சினிமா தியேட்டராக இருந்தது. 2020-இல் அது மூடப்பட்டது. இப்போது அதே அரங்கத்துக்குள் கூரைக்குக் கீழேயே மினிகோல்ஃப் விளையாடலாம். தரை முழுவதும் பச்சைப் புல் விரிப்பு போட்டிருக்கிறார்கள். பச்சை, நீலம், இளஞ்சிவப்பு நிற விளக்குகள் மின்னுகின்றன. விளையாடிக்கொண்டே பாரில் குடிக்கவும் செய்யலாம்.
இதை நடத்துவது இங்கிலாந்தைச் சேர்ந்த கேரத் ரிக்பி (Gareth Rigby). அவர் லண்டனில் பல வருடங்கள் சினிமாத் துறையில் வேலை செய்தவர். அங்கே பார்த்த இந்த யோசனையை பாசலுக்குக் கொண்டு வந்தார். மொத்தம் 12 பாதைகள் இருக்கின்றன. ஒவ்வொரு பாதையும் ஒரு பிரபலமான படத்தை நினைவூட்டும்.
இந்தக் கட்டடம் சுவிஸ் அரசு பாதுகாக்கும் பழைய கட்டடம். அதனால் மாற்றும் வேலை தாமதமானது. பழைய தியேட்டரின் அலங்கார விளக்குகளை அப்படியே வைத்திருக்கிறார்கள். இதே நிறுவனத்தின் மினிகோல்ஃப் பார்கள் ஜெனீவா, லொசான், பெர்ன் நகரங்களிலும் ஏற்கனவே இருக்கின்றன.
மூலம்: SRF
புகைப்படம்: Ricardo Gomez Angel / Unsplash
