அமெரிக்காவின் நியூ ஜெர்சியில் உள்ள ஹெமில்டன் நகருக்கு மேலே இரண்டு உலங்கு வானூர்திகள் நேருக்கு நேர் மோதி விபத்துக்குள்ளாகியுள்ளன.

விபத்தில் ஒருவர் உயிரிழந்துள்ளதாகவும், மற்றொருவர் படுகாயமடைந்துள்ளதாகவும் வெளிநாட்டு ஊடகங்கள் தெரிவிக்கின்றன.

நேற்று (28) காலை சுமார் 11:25 மணியளவில் இந்த விபத்து நிகழ்ந்தது, விபத்துக்குள்ளான இரண்டு விமானங்களிலும் விமானிகள் மட்டுமே இருந்ததாக ஃபெடரல் ஏவியேஷன் அட்மினிஸ்ட்ரேஷன் (FAA) தெரிவித்துள்ளது.

ஒரு விமானி சம்பவ இடத்திலேயே உயிரிழந்துள்ளார்.

மற்றொரு விமானி உயிருக்கு ஆபத்தான நிலையில் அவசர சிகிச்சைப் பிரிவில் அனுமதிக்கப்பட்டுள்ளதாக தெரிவிக்கப்படுகிறது.