சுவிஸ்

தனியாக வாழ்வது சுதந்திரம்தான்… ஆனால் செலவு யார் தலையில்?

சுவிசில் தனியாக வாழ்பவர்கள் அதிகரித்து வருகிறார்கள். ஆனால் தனியாக வாழ்வதற்கு பெரிய விலை கொடுக்க வேண்டியிருக்கிறது.

சுவிஸ் புள்ளிவிவர அலுவலகத்தின் கணக்குப்படி, 10 வீடுகளில் கிட்டத்தட்ட 4 வீடுகளில் ஒரே ஒருவர்தான் இருக்கிறார். வாடகை, காப்பீடு, சாப்பாடு என எல்லாச் செலவுகளையும் அவர்களே பார்க்க வேண்டும். நடுத்தர வருமானம் உள்ளவர்களுக்கும் மாத இறுதியில் சமாளிப்பது கஷ்டமாக இருக்கிறது.

வலண்டீன் என்ற சட்ட நிபுணர் வேலையை விட்டுவிட்டு சில மாதங்களாக வேலை இல்லாமல் இருக்கிறார். பெரிய வீட்டிலிருந்து சிறிய வீட்டுக்கு மாறினார். இதனால் மாதம் 200 பிராங்க் மிச்சமாகிறது. திடீரென பெரிய செலவு வந்துவிடுமோ என்பதுதான் அவருக்குப் பெரிய கவலை.

கிராஃபிக் டிசைனர் செபாஸ்டியன் தன் துணையுடன் இருந்த வீட்டிலேயே இப்போது தனியாக இருக்கிறார். செலவைக் குறைக்க கார் வாங்கவில்லை. மற்ற தொழிலாளர்களுடன் சேர்ந்து ஒரே அலுவலகத்தைப் பகிர்கிறார். மதிய உணவையும் எல்லோரும் சேர்ந்து சமைக்கிறார்கள்.

லோசான் (Lausanne) நகரில் 61 வயது ஆசிரியை பியாட்ரிக்ஸ் வேறு வழியைக் கண்டுபிடித்தார். ஒரு மாணவியுடன் வீட்டைப் பகிர்கிறார். அந்த மாணவி மாதம் 500 பிராங்க் தருகிறார். வோ மாநிலத்தில் (Vaud) உள்ள எல்டர்லி (Elderli) என்ற திட்டம் இவர்களை இணைத்தது. இதில் சேர்பவர்களில் பெரும்பாலானோர் பணப் பிரச்சினையால்தான் வருகிறார்கள் என்று அதை நடத்துபவர் சொல்கிறார்.

2055-க்குள் தனியாக வாழ்பவர்களின் வீடுகள் இன்னும் அதிகரிக்கலாம். ஆனால் அவர்களை சமூகமும் அரசு அமைப்புகளும் கிட்டத்தட்ட மறந்துவிடுகின்றன என்று லோசான் பல்கலைக்கழக ஆய்வாளர் ஒருவர் கூறுகிறார்.


மூலம்: RSI
புகைப்படம்: Zhen Yao / Unsplash

மேலும் வாசிக்க

Related Articles

Leave a Reply

Your email address will not be published. Required fields are marked *

Back to top button