தெசின் மாநிலத்தின் (Ticino) பெலின்சோனா (Bellinzona) நகரம் இந்த ஆண்டின் கிறிஸ்துமஸ் நிகழ்ச்சிகளை திங்கட்கிழமை அறிவித்தது. “Natale in città” என்ற இந்த நிகழ்ச்சி இம்முறை ஜூபியாஸ்கோ (Giubiasco) பகுதிக்கும் விரிவடைகிறது.
ஜூபியாஸ்கோவில் உள்ள பியாஸ்ஸா கிராண்டே (Piazza Grande) சதுக்கத்தில் பனி இல்லாமலே ஸ்கீ செய்யும் நகர்ப்புறப் பாதை அமைக்கப்படும். இது அந்தப் பகுதிக்குப் புதிது. கோடைக்காலத்தில் பல நிகழ்ச்சிகள் நடக்கும் இந்தச் சதுக்கம், இனி குளிர்காலத்திலும் மக்கள் கூடும் இடமாக மாறும்.
பெலின்சோனாவில் வழக்கம்போல் பியாஸ்ஸா டெல் சோலே (Piazza del Sole) சதுக்கத்தில் பனிச்சறுக்கு மைதானம் திரும்ப வருகிறது. பகலில் குடும்பங்களுக்கும், மாலையில் இளைஞர்களுக்கும் இது ஏற்றது என்று அமைப்பாளர்கள் சொல்கிறார்கள்.
குழந்தைகளுக்கான பயிற்சிப் பட்டறைகளும் நிகழ்ச்சிகளும் உண்டு. இசை நிகழ்ச்சிகளும் நாடகங்களும் நடக்கும். சுவிஸ் இத்தாலிய மொழி வானொலிகளான Rete Uno, Rete Tre ஆகியவையும் நிகழ்ச்சிகளை நடத்தும்.
உள்ளூர் கடைக்காரர்கள், உணவகங்கள், உள்ளூர் உற்பத்தியாளர்கள் ஆகியோருக்கும் இதனால் வருமானம் கிடைக்கும் என்று நகர நிர்வாகம் எதிர்பார்க்கிறது. லோகார்னோவின் (Locarno) குளிர்கால நிகழ்ச்சியும் இந்த ஆண்டு அஸ்கோனா (Ascona) வரை நீள்கிறது.
மூலம்: RSI
புகைப்படம்: Johnell Pannell / Unsplash
