சூரிச் புகலிட மையத்தில் தீ: புகையால் நால்வர் மருத்துவமனையில்

சூரிச் (Zürich) நகரில் உள்ள மத்திய அரசின் புகலிட மையத்தில் தீ பிடித்தது. புகையை சுவாசித்ததால் நான்கு பேர் மருத்துவமனைக்குக் கொண்டு செல்லப்பட்டனர்.

இந்த மையம் Pfingstweidstrasse வீதியில் உள்ளது. சுவிஸ்ஸுக்குப் புதிதாக வந்து புகலிடம் கோருபவர்கள் தங்குவதற்கு மத்திய அரசு நடத்தும் இடம் இது. மாலை சுமார் 5 மணிக்கு போலீசுக்கு அவசர அழைப்பு வந்தது.

தீயணைப்புப் படையினர் தீயை விரைவாகவே கட்டுப்படுத்தினர். மாலை 7 மணி அளவிலும் அறைகளில் இருந்த புகையை வெளியேற்றும் வேலை நடந்துகொண்டிருந்தது.

தீ எப்படிப் பிடித்தது என்பது இன்னும் தெரியவில்லை. போலீசும் இதுவரை காரணம் பற்றி எதுவும் சொல்லவில்லை.

மூலம்: SRF
புகைப்படம்: Matt C / Unsplash