சுவிஸில் ஏழ்மையில் வாழ்பவர்களுக்காக ஒரு புதிய தேசிய சபை உருவாக்கப்பட்டுள்ளது. திங்கட்கிழமை பெர்னில் (Bern) இது அறிமுகம் செய்யப்பட்டது.
சமூகக் காப்பீடுகளைக் கவனிக்கும் சுவிஸ் மத்திய அரசு அலுவலகத்தின் சார்பில் இது அறிமுகமானது. ஏழ்மையில் வாழ்பவர்களின் குரலை அரசியல்வாதிகளிடமும் அரசு அலுவலகங்களிடமும் கொண்டு செல்வதே இதன் வேலை. கிட்டத்தட்ட 7 இலட்சத்து 50 ஆயிரம் பேருக்கு இது குரலாக இருக்கும்.
சபையில் 11 உறுப்பினர்கள் உள்ளனர். எல்லோரும் ஏழ்மையை நேரில் அனுபவித்தவர்கள். சுவிஸின் எல்லாப் பகுதிகளிலிருந்தும் வந்தவர்கள். இவர்களுக்கு ஆறு நிபுணர்கள் ஆலோசனை சொல்வார்கள். அவர்கள் அரசியல், அறிவியல், அரசு அலுவலகங்கள், அரசு சாரா அமைப்புகள் ஆகிய துறைகளைச் சேர்ந்தவர்கள்.
சமூகப் பாதுகாப்பு முறை, ஏழைகள் மீதான பாகுபாடு, அவர்களை இழிவாகப் பார்ப்பது, உடல்நலம், நீதியைப் பெறும் வாய்ப்பு ஆகியவை முக்கியமாகப் பேசப்படும்.
தொண்டு நிறுவனங்களும் சமூக அமைப்புகளும் இணைந்த ஒரு வலையமைப்பு இந்தச் சபையை ஆதரிக்கிறது. இப்போது இது சோதனைக் கட்டத்தில் உள்ளது. இந்தக் கட்டம் 2028 வரை நடக்கும்.
மூலம்: RSI
புகைப்படம்: Yura Lytkin / Unsplash
