கொரோனா காலத்தில் செய்த பரிசோதனைகளின் பழைய பில்களை மீண்டும் சோதிக்க சுவிஸ் மத்திய சுகாதார அலுவலகம் (UFSP) முடிவு செய்துள்ளது. இதற்காக ஒரு சிறப்பு நிறுவனத்தைத் தேடி வருகிறது.
கொரோனா காலத்தில் பரிசோதனைகளுக்காக சுவிஸ் அரசு 2.6 பில்லியன் பிராங்குக்கு மேல் செலவு செய்தது. இப்போது சோதிக்கப்படப் போகும் பில்களின் மதிப்பு சுமார் 213 மில்லியன் பிராங்க். இந்த வேலை அதிகபட்சம் இரண்டு ஆண்டுகள் நடக்கும்.
பரிசோதனை மையங்கள், மருத்துவர்கள், ஆய்வகங்கள் ஆகியோரின் பில்களைப் பார்ப்பார்கள். செய்யாத பரிசோதனைக்குப் பணம் கேட்டார்களா என்று பார்ப்பார்கள். ஒரே பரிசோதனைக்குப் பல முறை பில் போட்டார்களா, தேவைக்கு அதிகமாகப் பணம் கேட்டார்களா என்றும் பார்ப்பார்கள். சிலர் தங்கள் கையிலிருந்து பணம் கட்டிய பரிசோதனையையும் அரசுக்கு பில்லாக அனுப்பியிருக்கலாம். பெரிய தொகை உள்ள வழக்குகளையும் மிகக் கடுமையான வழக்குகளையும் முதலில் பார்ப்பார்கள்.
ஏற்கனவே சுமார் 23 மில்லியன் பிராங்க் அரசுக்குத் திரும்பி வந்துவிட்டது. இன்னும் பணம் திரும்பி வரும் என்று அலுவலகம் எதிர்பார்க்கிறது. ஆனால் பெரும்பாலான சேவை வழங்குநர்கள் சரியாகவே பில் போட்டிருக்கிறார்கள் என்றும் அலுவலகம் சொல்கிறது.
மூலம்: RSI
புகைப்படம்: Kelly Sikkema / Unsplash
