சுவிஸ்ஸின் ஃப்ரைபூர்க் மாநிலத்தில் (Freiburg / Fribourg) இன்று மாநில நாடாளுமன்றத்துக்கான தேர்தல் நடக்கிறது. மக்கள் புதிய உறுப்பினர்களைத் தேர்ந்தெடுக்கிறார்கள்.
இந்த மாநிலத்தில் வலதுசாரி மற்றும் நடுநிலைக் கட்சிகளின் கை ஓங்கியிருக்கிறது. மித்தே (Mitte), லிபரல் கட்சி (FDP), வலதுசாரி மக்கள் கட்சி (SVP) ஆகிய மூன்றுக்கும் சேர்த்து கிட்டத்தட்ட மூன்றில் இரண்டு பங்கு இடங்கள் உள்ளன. இந்த நிலை பெரிதாக மாறாது என்றே எதிர்பார்க்கிறார்கள்.
உண்மையான போட்டி இடதுசாரி பக்கத்தில்தான். ஐந்து வருடங்களுக்கு முன் பசுமைக் கட்சிக்கு ஆதரவு அலை வீசியது. அப்போது சோஷலிசக் கட்சி (SP) ஏழு இடங்களைப் பசுமைக் கட்சியிடம் இழந்தது. அவற்றில் ஒரு பகுதியையாவது திரும்பப் பெற்று, மீண்டும் மிகப்பெரிய கட்சியாக வர அது முயல்கிறது.
இடதுசாரி பக்கத்தில் ஒரு புதிய குழுவும் களத்தில் உள்ளது. அதன் பெயர் தாஸ்-வாஸ் (Das-Was). இந்த வருட வசந்த காலத்தில் ஃப்ரைபூர்க் நகர சபைத் தேர்தலில் முதல் முயற்சியிலேயே ஏழு இடங்களை வென்றது.
நாடாளுமன்றத்தோடு மாநில அரசாங்க உறுப்பினர்களும் மாவட்ட ஆட்சியாளர்களும் இன்று தேர்ந்தெடுக்கப்படுகிறார்கள். நாடாளுமன்ற முடிவுகள் கடைசியாகவே வரும். இன்று மாலைக்குள் தெரியவரும் என எதிர்பார்க்கப்படுகிறது.
மூலம்: SRF
புகைப்படம்: Thiago de Andrade / Unsplash
