சுவிஸின் தெற்கில் உள்ள டிசினோ மாநிலத்தில் (Ticino), செமெந்தினா (Sementina) நகரில் சனிக்கிழமை தேசிய அளவிலான BBQ போட்டி நடந்தது. இப்படிப்பட்ட போட்டி டிசினோவில் நடப்பது இதுவே முதல் முறை.
சுவிஸ் முழுவதிலிருந்தும் ஆண்கள், பெண்கள் என பலர் அணிகளாக வந்து கலந்துகொண்டார்கள். அவர்கள் நான்கு வகை உணவுகளைச் சமைத்துப் போட்டியிட்டார்கள்.
நான்கு உணவுகளும் டிசினோவின் பாரம்பரிய உணவுகள். லுகானிகெட்டா (luganighetta) என்ற சாசேஜ், டிசினோ பாணி விலா எலும்பு இறைச்சி, ரொட்டியில் செய்யும் இனிப்புக்கேக் (torta di pane), காட்டுக் கோழி வகையான பெசன்ட் (fagiano) ஆகியவை சமைக்கப்பட்டன. டிசினோவின் பாரம்பரிய சுவை மாறாமல் இருக்க வேண்டும் என்பதே ஏற்பாட்டாளர்களின் நோக்கம் என்று போட்டியை நடத்திய குழுவைச் சேர்ந்த ஆந்த்ரேயா பியந்தினி (Andrea Piantini) கூறினார்.
முழுவதும் பெண்களால் ஆன ஒரு அணியும் போட்டியில் இருந்தது. அவர்கள் பெயர் “சுவிஸ் ஃபயர் டெவில்ஸ்” (Swiss Fire Devils). வெளிநாடுகளில் நடக்கும் போட்டிகளிலும் அவர்கள் கலந்துகொள்கிறார்கள். பெண்கள் மட்டுமே உள்ள அணியைக் காண்பது அரிது என்கிறார்கள். சுமார் இரண்டு ஆண்டுகளாக போட்டிகளில் பங்கேற்கும் இவர்கள் நல்ல வெற்றியும் பெற்றுவருகிறார்கள்.
மூலம்: RSI
புகைப்படம்: iulian aghei / Unsplash
