சுவிஸ்ஸின் டிசினோ மாநிலத்தில் (Ticino) உள்ள சியாசோ (Chiasso) நகரில், அப்பாக்கள் தங்கள் உணர்வுகளைப் பற்றிப் பேசும் புதிய பாட்காஸ்ட் தொடங்கியிருக்கிறது. பெயர் “அப்பாக்களின் பாட்காஸ்ட்” (Il podcast dei papà).
இது ஒரு குழந்தைகள் காப்பகத்தில் ஆரம்பமானது. அங்கே அப்பாக்கள் மாலை நேரங்களில் ஒரு குழந்தை வளர்ப்பு நிபுணருடன் சந்தித்துப் பேசினார்கள். அந்தப் பேச்சு அவர்களுக்கு மிகவும் பிடித்துப் போனது. அப்போதுதான் இதையே ஒரு பாட்காஸ்ட் ஆக்கலாம் என்ற யோசனை வந்தது.
ஒவ்வொரு பகுதியிலும் மூன்று அப்பாக்கள் சந்தித்துத் தங்கள் கதைகளைச் சொல்கிறார்கள். அவர்களுடன் “கரடி” என்ற ஒரு கதாபாத்திரமும் வருகிறது. அது நகைச்சுவையாகப் பேசி சூழலை இலகுவாக்குகிறது.
முதல் பருவத்தில், கர்ப்பப் பரிசோதனையிலிருந்து குழந்தைக்கு மூன்று வயது ஆகும் வரை நடந்தவற்றைப் பேசினார்கள். சந்தோசம் மட்டுமல்ல, பயமும் தயக்கமும் கூட. அப்பாக்களுக்கு மிகப் பெரிய பாரம் பொறுப்பு உணர்வு. வீட்டில் இருவர் இருந்த இடத்தில் இப்போது மூவர். அதனால் பழக்கவழக்கங்களும் மாறுகின்றன.
இரண்டாவது பருவத்தில் ஒவ்வொரு பகுதியும் ஒரு தலைப்பைப் பற்றியது. இதுவரை அதிகம் பேர் கேட்டது, பிள்ளைகளின் ஸ்கிரீன் பயன்பாடு பற்றிய பகுதி. அடுத்த பகுதி பிள்ளைகளின் கோபம், அடம் பற்றியது. அதில் ஒரு உளவியல் நிபுணர் கலந்துகொள்கிறார்.
அப்பாக்கள் ஒருவருக்கொருவர் ஆலோசனை சொல்லிக்கொள்கிறார்கள். மன ஆறுதலும் கிடைக்கிறது. அவர்களின் துணைவியார்களும் மகிழ்ச்சியாக இருக்கிறார்கள். அப்பாக்களுக்கும் உணர்வுகள் உண்டு என்பதை இந்த பாட்காஸ்ட் காட்டுகிறது.
மூலம்: RSI
புகைப்படம்: israel palacio / Unsplash
