நேற்று நள்ளிரவு முதல் அமுலுக்கு வரும் வகையில், எரிபொருட்களின் விலையில் திருத்தம் மேற்கொள்ளப்பட்டுள்ளது.
எரிபொருள் விலை சூத்திரத்துக்கமைய, இந்தத் திருத்தம் மேற்கொள்ளப்பட்டுள்ளதாக இலங்கை பெற்றோலிய கூட்டுத்தாபனம் தெரிவித்துள்ளது.
இதன்படி, பெட்ரோல் 92 ஒக்டேன் மற்றும் ஒட்டோ டீசல் லீற்றரொன்றின் விலை தலா 2 ரூபாவினால் குறைக்கப்பட்டுள்ளன.
இந்த விலைக்குறைப்பைத் தொடர்ந்து, ஒரு லீற்றர் பெட்ரோல் 92 ஒக்டேனின் புதிய விலை 292 ரூபாயாகவும், ஒட்டோ டீசலின் புதிய விலை 277 ரூபாயாகவும் நிர்ணயிக்கப்பட்டுள்ளது.
இன்று நள்ளிரவு முதல் இந்த விலை மாற்றங்கள் அமுலுக்கு வரும் வகையில் நடைமுறைப்படுத்தப்பட்டுள்ளன.
அதேவேளை, பெட்ரோல் 95 ஒக்டேன் விலை 340 ரூபாயாகவும் சுப்பர் டீசல் விலை 323 ரூபாயாகவும் மண்ணெண்ணெய் விலை 182 ரூபாயாகவும் எவ்வித மாற்றமும் இன்றி அதே விலையில் விற்பனை செய்யப்படுகின்றது.
