ஃப்ரிபூர் மாநிலத்தில் (Fribourg) உள்ள ரோமோன் (Romont) பள்ளியில் கடந்த செப்டம்பர் 2025-ல் ஒரு அறிவியல் பரிசோதனை தவறாகப் போனது. அதனால் தீப்பிடித்து, பள்ளி முழுவதும் காலி செய்யப்பட்டது. இப்போது அந்த ஆசிரியைக்குத் தண்டனை கிடைத்துள்ளது.
அறிவியல் வகுப்பில் ஆசிரியை மாணவர்கள் முன்னால் ஒரு வேதியியல் பரிசோதனை செய்தார். அதில் வெப்பம், தீப்பொறி, தீ ஜுவாலை எல்லாம் வரும். முதலில் அவர் அதைக் கட்டுக்குள் வைத்தார். மணலைப் போட்டு அணைத்தார். ஆனால் அந்தப் பரிசோதனை எவ்வளவு சக்தி வாய்ந்தது என்பதை அவர் குறைத்து மதிப்பிட்டார்.
மாணவர்கள் வகுப்பை விட்டு வெளியே போன பிறகு, அவர் அந்த மணலைக் குப்பைத் தொட்டியில் கொட்டினார். பிறகு அவரும் வெளியேறினார். கொஞ்ச நேரத்தில் குப்பைத் தொட்டி தீப்பிடித்தது. புகை பரவியது. பள்ளியில் இருந்த எல்லோரும் வெளியேற்றப்பட்டனர். புகையால் சிரமப்பட்ட பலரை மீட்புப் படையினர் பரிசோதித்தனர். பள்ளி மறுநாள்தான் மீண்டும் திறந்தது.
ஃப்ரிபூர் மாநில அரசு வழக்கறிஞர் அலுவலகம், கவனக்குறைவால் தீ ஏற்படுத்தியதாக அவரைக் குற்றவாளி என அறிவித்தது. 10 நாள் அபராதத் தண்டனை நிபந்தனையுடன் நிறுத்தி வைக்கப்பட்டுள்ளது. கூடவே 300 பிராங்க் அபராதமும் கட்ட வேண்டும்.
ஆனால் விஷயம் இன்னும் முடியவில்லை. கட்டிடங்களுக்கான மாநிலக் காப்பீட்டு அமைப்பு (ECAB) சிவில் வழக்குப் போடலாம். அப்படி நடந்தால், அவர் சுமார் 50,000 பிராங்க் இழப்பீடு கொடுக்க வேண்டி வரலாம்.
மூலம்: Le Matin
புகைப்படம்: Patrick F. / Unsplash





