ஜெனீவா மாநிலத்தில் (Genève) சனிக்கிழமை ஆயிரக்கணக்கான மக்கள் வீதியில் இறங்கினார்கள். மாநில அரசின் செலவு குறைப்புத் திட்டத்தை எதிர்த்து அவர்கள் பேரணி நடத்தினார்கள்.
2027 ஆம் ஆண்டுக்கான வரவு செலவுத் திட்டத்தில் சுமார் 250 மில்லியன் பிராங்க் மிச்சப்படுத்த அரசு திட்டமிட்டுள்ளது. இதற்காக பல இடங்களில் பணத்தைக் குறைக்கிறார்கள். பல்வேறு சங்கங்களுக்கான உதவி, ஜெனீவா பல்கலைக்கழக மருத்துவமனைகளின் (HUG) பொதுச் சேவைப் பணிகள், வீடு தேடிப் போய் உதவும் பராமரிப்பு நிறுவனம் ஆகியவை இதில் அடங்கும்.
பேரணியில் சுகாதாரம், சமூக சேவை, கல்வி, கலை ஆகிய துறைகளில் வேலை செய்பவர்கள் நிறைய பேர் இருந்தார்கள். அரசு ஊழியர்களும் கலந்துகொண்டார்கள். மாநிலத்தின் செல்வமும் பணமும் நியாயமாகப் பகிரப்படவில்லை என்று அவர்கள் குற்றம் சாட்டினார்கள்.
இந்த வரவு செலவுத் திட்டம் பற்றி டிசம்பர் நடுப்பகுதியில் மாநில நாடாளுமன்றத்தில் (Grand Conseil) விவாதம் நடக்கும்.
வியாழக்கிழமை லோசான் (Lausanne) நகரிலும் ஆயிரக்கணக்கானோர் இதே காரணத்துக்காகப் போராடினார்கள். நவம்பர் 20 அன்று நொய்ஷாட்டெல் (Neuchâtel) நகரிலும் இதுபோன்ற போராட்டம் நடக்க உள்ளது.
மூலம்: RSI
புகைப்படம்: Delia Giandeini / Unsplash
