பெண்களுக்கு எதிரான வன்முறையைக் கண்டித்து, சனிக்கிழமை பேர்ன் (Bern) நகரில் நூற்றுக்கணக்கான ஆண்கள் ஒன்று கூடினர். கூட்டாட்சி சதுக்கத்தில் (Bundesplatz) சுமார் ஒரு மணி நேரம் இந்தக் கூட்டம் நடந்தது.
பல அமைப்புகள் சேர்ந்து இந்த அழைப்பை விடுத்தன. அவற்றில் சோஷியல் டெமோக்ரட் கட்சியும் (Partido socialiste), “பெண்களுக்கு எதிரான வன்முறைக்கு எதிரான ஆண்கள்” என்ற குழுவும் உள்ளன.
பாதிக்கப்பட்ட பெண்களுக்கு ஆண்கள் அனுதாபம் காட்ட வேண்டும் என்று அமைப்பாளர்கள் கேட்டுக்கொண்டனர். எல்லோரும் பார்க்கும்படி தங்கள் நிலைப்பாட்டையும் சொல்ல வேண்டும் என்றனர்.
பெண்களுக்கு எதிரான வன்முறையைப் பெரும்பாலும் செய்வது ஆண்கள்தான். அதனால் ஆண்கள் பார்த்தும் பார்க்காதது போல இருக்கக் கூடாது என்று அவர்கள் சொல்கிறார்கள். தங்களிடம் தவறான நடத்தை இருந்தால் அதற்குப் பொறுப்பேற்க வேண்டும். தங்களைச் சுற்றி யாராவது வன்முறை செய்தாலும் அமைதியாக இருக்கக் கூடாது.
அமைப்பாளர்கள் தரும் தகவலின்படி, சுவிஸில் 2 பெண்களில் ஒருவருக்கு மேல் பாலியல் தொந்தரவை அனுபவித்திருக்கிறார்கள். 5 பெண்களில் ஒருவர், சம்மதம் இல்லாத பாலியல் செயலுக்கு ஆளாகியிருக்கிறார்.
மூலம்: RSI
புகைப்படம்: Christian Lue / Unsplash
