உகாண்டாவில் எபோலா வைரஸ் தொற்றுக்கு உள்ளான 42 வயது சுவிஸ் பெண் முழுமையாகக் குணமாகிவிட்டார். ஜெனீவா மருத்துவமனையிலிருந்து அவர் வீட்டுக்குச் சென்றுவிட்டார்.
அக்டோபர் 26 அன்று அவர் உகாண்டாவிலிருந்து சுவிசுக்கு அழைத்து வரப்பட்டார். ஜெனீவாவில் (Genève) உள்ள பல்கலைக்கழக மருத்துவமனையில் (HUG) அவருக்குச் சிகிச்சை நடந்தது.
சிகிச்சை மிகக் கடுமையான பாதுகாப்பு விதிகளோடு நடந்தது. வைரஸ் வெளியே பரவாதபடி, ரசாயனத்தால் முழுவதும் மூடப்பட்ட ஒரு பாதுகாப்புக் கூண்டுக்குள் அவர் வைக்கப்பட்டிருந்தார்.
மருத்துவக் குழு அவர் முழுமையாகக் குணமாகிவிட்டதை உறுதி செய்தது. அதன்பிறகு ஜெனீவா மாநில மருத்துவ அதிகாரி வெளியேற அனுமதி கொடுத்தார்.
மருத்துவமனையின் தலைமை இயக்குநர் ரொபர்ட் மர்தினி (Robert Mardini) சமூக வலைத்தளத்தில் தன் நிம்மதியைத் தெரிவித்தார். அந்தப் பெண்ணின் தைரியத்தைப் பாராட்டினார். வாரக்கணக்கில் கவலையோடு காத்திருந்த அவரது குடும்பத்தையும் நினைவுகூர்ந்தார்.
மூலம்: Le Matin
புகைப்படம்: camera obscura / Unsplash
