துன் (Thun) நகரில் உள்ள B&T என்ற ஆயுத நிறுவனத்தின் கட்டிடத்தின் மீது அக்டோபர் 29 அன்று தீக்குண்டுகள் வீசப்பட்டன. இது திட்டமிட்ட தீவைப்பு என்று பேர்ன் மாநிலப் போலீஸ் உறுதிப்படுத்தியுள்ளது.
இடதுசாரி தீவிரவாதிகள் செய்திருக்கலாம் என்று சந்தேகிக்கப்படுகிறது. இதுவரை யாரும் கைது செய்யப்படவில்லை. நல்லவேளையாக யாருக்கும் காயம் இல்லை. தாக்குதலைக் காட்டும் வீடியோ சமூக வலைத்தளங்களில் பரவி வருகிறது. பிரான்சில் நடந்த இளைஞர் போராட்டங்களில் போலீஸ் வன்முறைக்கு எதிரான ஒற்றுமைக்காகவே இதைச் செய்ததாக ஒரு வீடியோ கூறுகிறது.
B&T நிறுவனம் கிரனேட் லாஞ்சர் தயாரிக்கிறது. சுவிஸ் போலீஸ், பிரெஞ்சுப் போலீஸ், ஸ்வீடன் போலீஸ் ஆகியோர் இதை வாங்குகிறார்கள். உயிரைப் பறிக்காத ஆயுதம் என்று நிறுவனம் சொல்கிறது. ஆனால் பிரெஞ்சுப் போலீஸ் மிக மலிவான குண்டுகளைப் பயன்படுத்துவதாகவும், அவை மோசமான காயங்களை ஏற்படுத்தலாம் என்றும் நிறுவனம் கூறுகிறது.
முன்பு பெயிண்ட் வீசியிருக்கிறார்கள், நிர்வாகிகளுக்கு மிரட்டலும் வந்திருக்கிறது. ஆனால் தீவைப்பை எதிர்பார்க்கவில்லை என்று நிறுவனம் சொல்கிறது. இனி கட்டிடத்தின் வெளியே தீ எச்சரிக்கைக் கருவிகளும், AI கேமராக்களும் பொருத்தப்படும். மற்ற சுவிஸ் ஆயுத நிறுவனங்களும் பாதுகாப்பை மறுபரிசீலனை செய்யும் எனத் தெரிகிறது.
SVP கட்சியின் வால்டர் கார்ட்மான் தலைமையிலான “Pro Tell” அமைப்பு, பாதிக்கப்படும் நிறுவனங்களுக்கு அரசு உதவி நிதி அமைக்க வேண்டும் என்கிறது. மிட்டே கட்சியின் ரெட்டோ நாவ்ஸ், இது தீவிர இடதுசாரிகளின் வேலை என்றும், பிரான்ஸ் ஒரு சாக்குப்போக்கு மட்டுமே என்றும் கூறுகிறார். SP கட்சியின் ஆன்ட்ரியா ட்ரைட் தாக்குதலைக் கண்டித்து, யாருக்கும் காயம் இல்லாததில் நிம்மதி தெரிவித்தார்.
B&T கடந்த ஆண்டு 100 மில்லியன் பிராங்குக்கு மேல் ஆயுதங்களையும் தோட்டாக்களையும் வெளிநாடுகளுக்கு ஏற்றுமதி செய்ததாகத் தகவல். சுவிஸில் இது ஐந்தாவது பெரிய ஆயுத ஏற்றுமதி நிறுவனம்.
மூலம்: SRF
புகைப்படம்: Karl Callwood / Unsplash
