“One Island. Many Lenses.” என்ற கருப்பொருளில், 2026 ஜூலை 14 முதல் 16 வரை லண்டனில் நடைபெற்ற இலங்கை வனவிலங்கு விழா 2026 (Sri Lanka Wildlife Festival 2026), இலங்கையின் வளமான வனவிலங்கு பாரம்பரியம், பாதுகாப்பு முயற்சிகள் மற்றும் இயற்கை சுற்றுலா திறனை உலக அரங்கில் வெளிப்படுத்தியது.
விழாவின் தொடக்க நிகழ்வாக, இலங்கையில் எடுக்கப்பட்ட சுமார் 100 வனவிலங்கு புகைப்படங்கள் இடம்பெற்ற கண்காட்சி, லண்டனிலுள்ள இலங்கை உயர்ஸ்தானிகராலயத்தில் நடைபெற்றது.
இந்தக் கண்காட்சியை இலங்கை சுற்றுலா மேம்பாட்டு பணியகம் மற்றும் லண்டனிலுள்ள இலங்கை உயர்ஸ்தானிகராலயம் இணைந்து ஏற்பாடு செய்திருந்தன. இதனை இலங்கை உயர்ஸ்தானிகர் நிமல் சேனதீர திறந்து வைத்தார்.
மூன்று நாள் நிகழ்வின் நிறைவாக, ஜூலை 16 அன்று வனவிலங்கு கருத்தரங்கம் நடைபெற்றது. இதில், இலங்கையின் பல்லுயிர் வளத்தை விரிவாகப் பதிவு செய்துள்ள புகழ்பெற்ற வனவிலங்கு புகைப்படக் கலைஞர்கள் மற்றும் இயற்கை ஆர்வலர்கள் பங்கேற்று கலந்துரையாடினர்.
இந்த நிகழ்வில் 100-க்கும் மேற்பட்ட சர்வதேச வனவிலங்கு ஆர்வலர்கள் மற்றும் பாதுகாப்புத் துறை சார்ந்த பிரதிநிதிகள் கலந்துகொண்டனர்.
மேலும், இந்த விழா ரட்லாந்தில் (Rutland) நடைபெற்ற Global Bird Fair 2026-இல் இலங்கையின் பங்கேற்புக்கும் துணைநின்றதுடன், வனவிலங்கு, பறவைகள் பார்வை மற்றும் இயற்கை சார்ந்த நிலைத்த சுற்றுலாவுக்கான உலகத் தரமிக்க இடமாக இலங்கையின் நிலையை மேலும் வலுப்படுத்தியுள்ளது.
