சுவிஸில் பலத்த காற்று வீசும் என்பதால், வானிலை அலுவலகம் (MétéoSuisse) செவ்வாய்க்கிழமை எச்சரிக்கையை உயர்த்தியுள்ளது. யூரா மலைப்பகுதிக்கும் (arc jurassien) வடக்கு சுவிஸுக்கும் இது முக்கியமாகப் பொருந்தும்.
எச்சரிக்கை இப்போது 3-ஆம் நிலையில் உள்ளது. அதாவது “குறிப்பிடத்தக்க ஆபத்து”. யவர்டோன் (Yverdon) முதல் பாசல் (Basel) வரையிலான பகுதி இதில் வருகிறது.
காற்று திறந்தவெளிகளில் மலைப்பகுதியில் மணிக்கு 130 கி.மீ. வரை வீசலாம். சமவெளியில் மணிக்கு 100 கி.மீ. வரை வீசலாம். இந்த வாரம் வானிலை மோசமாகவே இருக்கும் என்று திங்கட்கிழமையே அலுவலகம் சொல்லியிருந்தது. மேற்கிலிருந்து பலத்த காற்று வருகிறது. பிரெஞ்சு மொழி பேசும் சுவிஸ் பகுதியில் (Suisse romande) கனமழையும் பெய்யலாம்.
பலத்த காற்றில் மரக்கிளைகள் முறியலாம். தனியாக நிற்கும் மரங்கள் சாயலாம். கூடாரங்களும் கட்டடப் பணியிடச் சாரங்களும் கவிழலாம்.
அதிகாரிகள் சொல்வது இதுதான்: காடுகளையும், மரங்கள் அடர்ந்த சாலைகளையும் பகுதிகளையும் தவிருங்கள். புயலுக்கு முன் வெளியே உள்ள பொருட்களைக் கட்டி வையுங்கள். ஸ்டோர்களை மேலே இழுத்து வையுங்கள். கூரை ஓடுகள், கிளைகள், மின்கம்பிகள் விழக்கூடும் என்பதால் கவனமாக இருங்கள்.
மூலம்: Le Matin
புகைப்படம்: mike dennler / Unsplash





