சூரிச் மாநிலம் (Zürich) ஏர் கண்டிஷனர் பொருத்தும் விதிகளை எளிதாக்க முன்வந்துள்ளது. மாநில அரசு இந்த புதிய திட்டத்தை முன்வைத்துள்ளது.
இதுவரை ஏர் கண்டிஷனர் பொருத்த கட்டிட அனுமதி வாங்க வேண்டும். கட்டிடத்துக்கு வெயில் படாமல் பாதுகாப்பும் இருக்க வேண்டும். மின்சாரம் அதிகம் செலவாகக்கூடாது என்பதற்காக இந்த விதி இருந்தது.
புதிய திட்டத்தில் அனுமதி தேவையில்லை. கட்டுமானம் பற்றி அதிகாரிகளுக்கு ஒரு தகவல் கொடுத்தால் போதும். 30 நாட்களுக்குள் பதில் வரவில்லை என்றால், ஏர் கண்டிஷனரை பொருத்தலாம். வெயில் பாதுகாப்பு விதியும் 2027 மே மாதத்தில் இருந்து இருக்காது. அதற்கு மாநில நாடாளுமன்றம் ஒப்புக்கொள்ள வேண்டும்.
சத்தம் பற்றிய கவலையும் உண்டு. ஏர் கண்டிஷனர்கள் சட்டம் சொல்லும் அளவுக்குள் சத்தம் போடுகிறதா என்று பார்க்க, வெளி நிபுணர்களை மாநிலம் அனுப்பலாம்.
இந்த ஆண்டு கோடை பதிவான வரலாற்றிலேயே மிகவும் வெப்பமானது. இது மீண்டும் வரலாம் என்கிறார் பசுமைக் கட்சியைச் சேர்ந்த மாநில அமைச்சர் மார்ட்டின் நோயகோம் (Martin Neukom). முன்பு அவர் சுற்றுச்சூழல் காரணமாக ஏர் கண்டிஷனரை எதிர்த்தார். இப்போது கொஞ்சம் மனம் மாறியுள்ளார். கோடையில் சோலார் பேனல்கள் நிறைய மின்சாரம் தருகின்றன என்கிறார்.
பாசல் நகர மாநிலத்திலும் (Basel-Stadt) விதிகளைத் தளர்த்தக் கேட்டுள்ளனர். சுவிஸ் முழுவதும் அனுமதியை நீக்கும் யோசனையையும் தேசிய கவுன்சில் விரைவில் விவாதிக்கும்.
மூலம்: RSI
புகைப்படம்: Everett Pachmann / Unsplash
