லோசான் (Lausanne) நகரின் புதிய ட்ராம் டிசம்பர் 13-ஆம் தேதி முதல் ஓடத் தொடங்குகிறது. ரெனென் (Renens) ரயில் நிலையத்திலிருந்து ஃப்ளோன் (Flon) வரை பயணிகள் அதில் ஏறலாம்.
இதை லோசான் நகரப் போக்குவரத்து நிறுவனம் (tl) வெள்ளிக்கிழமை அறிவித்தது. வோ மாநில (Vaud) அரசும், லோசான், ரெனென், ப்ரில்லி (Prilly) நகர நிர்வாகங்களும் சேர்ந்து இந்தத் தகவலைச் சொன்னன. சுவிஸ் முழுவதும் பஸ், ட்ரெயின் நேர அட்டவணை மாறும் நாளிலேயே ட்ராம் சேவையும் ஆரம்பமாகும்.
தொடக்கத்தில் ஒவ்வொரு 10 நிமிடத்துக்கும் ஒரு ட்ராம் வரும். இரண்டு முனைகளுக்கும் இடையே சுமார் 15 நிமிடத்தில் போய்விடலாம். ஒவ்வொரு ட்ராமிலும் கிட்டத்தட்ட 300 பேர் பயணம் செய்யலாம். அடுத்த ஆண்டு ட்ராம்கள் இன்னும் அடிக்கடி வரும்.
பாதுகாப்பு பற்றியும் அதிகாரிகள் நினைவூட்டுகிறார்கள். ட்ராமுக்கு எப்போதும் முன்னுரிமை உண்டு. நடந்து செல்பவர்களை விடவும் ட்ராம்தான் முதலில் போகும். இதற்காக விழிப்புணர்வுப் பிரச்சாரம் ஏற்கெனவே நடக்கிறது. அது தொடர்ந்து நடக்கும்.
டிசம்பர் 5 சனிக்கிழமை ஐரோப்பா சதுக்கத்தில் (place de l’Europe) “ட்ராம் திருவிழா” நடக்கிறது. எல்லோரும் வரலாம். மேலும் தகவலுக்கு: www.t-l.ch/tramway
மூலம்: Le Matin
புகைப்படம்: Marek Rucinski / Unsplash
