தெசின் மாநிலத்தில் உள்ள சியாஸ்ஸோ (Chiasso) நகரில் வியாழக்கிழமை மதியம் ஒரு சைக்கிள் விபத்து நடந்தது. 32 வயது இளைஞர் கடுமையாகக் காயமடைந்து, உயிருக்கு ஆபத்தான நிலையில் இருக்கிறார்.
விபத்து மதியம் 1 மணிக்குச் சற்றுப் பின்னர் சோல்டினி வீதியில் (via Soldini) நடந்தது. அவர் எல்லைச் சோதனைச் சாவடி இருக்கும் பக்கமாக சைக்கிளில் போய்க் கொண்டிருந்தார். முதல் கட்ட விசாரணையின்படி, சைக்கிளின் கட்டுப்பாட்டை இழந்து கீழே விழுந்திருக்கிறார்.
மாநிலப் பொலிஸ், சியாஸ்ஸோ நகரப் பொலிஸ், அந்தப் பகுதியின் ஆம்புலன்ஸ் சேவை (SAM) ஆகியோர் உடனே அங்கே வந்தனர். முதலுதவி கொடுத்த பிறகு, அவரை ஆம்புலன்ஸில் ஆஸ்பத்திரிக்குக் கொண்டு சென்றனர். டாக்டர்களின் முதல் மதிப்பீட்டின்படி, காயங்கள் மிகவும் கடுமையானவை.
விபத்துக்கு என்ன காரணம் என்பது இன்னும் தெரியவில்லை. அதைக் கண்டறிய பொலிஸ் விசாரணை தொடங்கியுள்ளது.
மூலம்: RSI
புகைப்படம்: Benjamin Voros / Unsplash
