சுவிஸின் பெரிய ஊடக நிறுவனமான டாமெடியாவின் (Tamedia) செய்தி அறைகளில் பத்திரிகையாளர்கள் ஒரு மணி நேரம் வேலைநிறுத்தம் செய்தனர். சூரிக் (Zürich), பேர்ன் (Bern), பாசல் (Basel), லோசான் (Lausanne), ஜெனீவா (Genève) ஆகிய நகரங்களில் இது நடந்தது.
நிறுவனம் 41 பேரை வேலையிலிருந்து நீக்கப் போவதாக அறிவித்தது. அதை எதிர்த்தே இந்த எச்சரிக்கை வேலைநிறுத்தம். காலை 11 மணியிலிருந்து பிரெஞ்சு பேசும் பகுதி, ஜெர்மன் பேசும் பகுதி என இரண்டு இடங்களிலும் ஊழியர்கள் வேலையை நிறுத்தினர். திங்கட்கிழமை பெரும்பான்மையினர் இதற்கு ஒப்புக்கொண்டனர்.
ஊழியர்களுக்கு பல கோரிக்கைகள் உள்ளன. 41 பேரின் வேலை நீக்கத்தை ரத்து செய்ய வேண்டும். குறிப்பிட்ட காலத்துக்கு யாரையும் நீக்கக் கூடாது. நீண்ட காலத்தில் ஊழியர்களுக்கான கூட்டு ஒப்பந்தம் வேண்டும். நிறுவனத் தலைவர் பியெத்ரோ சுபினோவுடன் (Pietro Supino) நேரில் பேச வேண்டும் என்றும் கேட்கிறார்கள்.
சுபினோ இப்போது பேச்சுவார்த்தைக்கு அழைத்துள்ளார். ஆனாலும் மற்ற கோரிக்கைகளில் ஊழியர்கள் உறுதியாக இருக்கிறார்கள். தொடர்ந்து ஆட்களைக் குறைப்பது பத்திரிகைத் துறைக்கு எதிர்காலம் தராது என்கிறார்கள். வேலை நீக்கம் செய்யப்பட்ட விதமும் அவர்களுக்கு மிகுந்த கோபத்தைத் தந்துள்ளது.
தொழிற்சங்கமான சிண்டிகாம் (Syndicom) பிரதிநிதி, இந்தப் பிரச்சினை எல்லோரையும் பாதிக்கும் என்றார். நவம்பர் 21 அன்று பேர்னில் நடக்கும் பேரணிக்கு வருமாறு அவர் அழைப்பு விடுத்தார். ஒரு மணி நேரம் கழித்து ஊழியர்கள் விசில் ஊதி வேலைநிறுத்தத்தை முடித்தனர்.
மூலம்: RSI
புகைப்படம்: Ricardo Gomez Angel / Unsplash
