டிச்சினோ மாநிலத்தின் (Ticino) மிகப்பெரிய பனிப்பாறையான பசோடினோ (Basòdino) 2030-ஆம் ஆண்டு வாக்கில் முழுவதும் உருகி மறையலாம் என்று நிபுணர்கள் எச்சரிக்கிறார்கள்.
2024-இல் மட்டும் இந்தப் பனிப்பாறையின் தடிமன் 4 மீட்டர் குறைந்தது. இப்படி ஒரு இழப்பை இதுவரை பார்த்ததே இல்லை என்கிறார் மத்தியா சோல்டாதி (Mattia Soldati). அவர் டிச்சினோ மாநில வனத்துறையில் பனிப்பாறைகளைக் கண்காணிப்பவர். கோடை வெயில் இதே மாதிரி தொடர்ந்தால், இன்னும் சில வருடங்களில் மலை உச்சியில் சில பனித் திட்டுகள் மட்டுமே மிஞ்சும் என்கிறார்.
பனிப்பாறை ஆய்வாளர் ஜோவான்னி காப்பன்பெர்கர் (Giovanni Kappenberger) பல ஆண்டுகளாக இந்தப் பனிப்பாறையை அளந்து வருகிறார். முன்பு இது மறைய இன்னும் பல பத்தாண்டுகள் ஆகும் என்று நினைத்தார். இப்போது 2030 என்கிறார். இந்த ஆண்டு பனிக்கு நடுவே பாறைகள் தெரிகின்றன. சில இடங்களில் பனி மிக மெல்லியதாகிவிட்டது. கடந்த ஐந்து வருடங்கள் மிக மோசம் என்கிறார். இனி தடுக்க வழி குறைவு, மாற்றத்துக்கு ஏற்ப நாம் மாறிக்கொள்ள வேண்டும் என்றும் சொல்கிறார்.
இது ஒரே ஒரு பனிப்பாறையின் கதை அல்ல. வலே மாநிலத்தில் (Valais) இருந்த பெல்லா டோலா (Bella Tola) பனிப்பாறை இந்தக் கோடையில் முழுவதும் உருகிவிட்டது. இப்போது அது அதிகாரப்பூர்வமாக இல்லை. சமீப மாதங்களில் ஆல்ப்ஸ் மலையில் சுமார் முப்பது பனிப்பாறைகளுக்கும் இதே நிலை வந்திருக்கலாம். 1970-க்குப் பிறகு சுவிஸ் மலைகளில் கிட்டத்தட்ட ஆயிரம் பனிப்பாறைகள் மறைந்துவிட்டன.
மூலம்: RSI
புகைப்படம்: Patrick Hendry / Unsplash
