கிரௌபுண்டன் மாநிலத்தில் (Graubünden) உள்ள ட்ரிம்மிஸ் (Trimmis) அகதிகள் மையத்தில் தீ வைத்த வழக்கில், அசர்பைஜான் நாட்டைச் சேர்ந்த ஒருவர் இன்று புதன்கிழமை நீதிமன்றத்தில் நிறுத்தப்பட்டார். லாண்ட்குவார்ட் (Landquart) பிராந்திய நீதிமன்றத்தில் விசாரணை நடக்கிறது.
அவருக்கு 33 வயது. ஜூன் 5ஆம் தேதி “Bahnhöfli” என்ற தங்குமிடத்தில் ஓர் அறைக்குத் தீ வைத்ததாக அவர் மீது குற்றச்சாட்டு. அன்றுதான் அவருக்கும் அவர் குடும்பத்துக்கும் புகலிடக் கோரிக்கை நிராகரிக்கப்பட்டது என்ற முடிவு வந்திருந்தது.
சம்பவத்துக்குப் பிறகு அவர் வால்ட்ஹவுஸ் (Waldhaus) மனநல மருத்துவமனையில் இருந்தார். சில நாட்கள் கழித்து அனுமதி இல்லாமல் அங்கிருந்து வெளியேறினார். மையத்துக்குள் வரத் தடை இருந்தும் மீண்டும் அங்கே போனார். கூரை மேல் ஏறி, கீழே குதிப்பேன் என்று மிரட்டினார்.
அதிலிருந்து அவர் விசாரணைக் காவலில் இருக்கிறார். தீ வைத்தல், பொருட்களைச் சேதப்படுத்தல், அனுமதி இல்லாமல் உள்ளே நுழைதல் ஆகிய குற்றங்களுக்காக, கிரௌபுண்டன் மாநில அரசு வழக்கறிஞர் அலுவலகம் ஒரு வருடத்துக்கு மேல் சிறைத் தண்டனை கேட்டுள்ளது.
மூலம்: RSI
புகைப்படம்: Ricardo Gomez Angel / Unsplash
