மேஷம்: குடும்பத்தில் நிலவி வந்த குழப்பம் விலகும். வேற்றுமதத்தினரின் உதவி கிட்டும். பூர்வீக வீட்டை சீரமைத்து விரிவுபடுத்தி கட்டுவீர். வியாபாரத்தில் புது யுக்திகளை கையாண்டு பழைய வாடிக்கையாளர்களை கவருவீர். அலுவலகத்தில் பணிச்சுமை குறையும்.
ரிஷபம்: வெளிவட்டாரத்தில் மதிப்பு உயரும். வீட்டில் கல்யாண முயற்சிகள் பலிதமாகும். பயணங்களால் மகிழ்ச்சி தங்கும். வியாபாரம் திருப்திகரமாக அமையும். அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும். மேலதிகாரி ஆதரிப்பார்.
மிதுனம்: குடும்பத்தில் உங்கள் கை ஓங்கும். ஆடம்பரச் செலவுகளைக் குறைத்து சேமிக்கத் தொடங்குவீர்கள். பூர்வீக சொத்து வழக்கின் தீர்ப்பு சாதகமாக அமையும். வியாபாரத்தை விரிவுபடுத்த சில முக்கிய நபர்களை சந்திப்பீர்கள். அலுவலகரீதியான பிரச்சினைகள் ஓயும்.
கடகம்: பணத்தை கவனமாக கையாளவும். உடன் பிறந்தவர்களை அனுசரித்து நடந்து கொள்வது நல்லது. பிள்ளைகளின் உடல்நலம் பாதிக்கும். வியாபாரத்தில் போட்டிகள் இருக்கும். அலுவலகத்தில் பணிச்சுமை கூடும். அடுத்தவர் விஷயத்தில் தலையிட வேண்டாம்.
சிம்மம்: பிரபலங்களின் வீட்டு விசேஷங்களில் கலந்து கொள்ளும் அளவுக்கு நெருக்கமாவீர்கள். ஆன்மிகத்தில் நாட்டம் அதிகரிக்கும். தொழிலில் எதிராக செயல்பட்ட பணியாட்களை மாற்றுவீர். அலுவலகத்தில் யாரையும் பகைத்துக் கொள்ளாதீர். விவாதங்களை தவிர்க்கவும்.
கன்னி: பிரச்சினையிலிருந்து விடுபடுவதற்கான மாற்று வழியை கண்டறிவீர். குடும்பத்தில் உங்கள் கை ஓங்கும். முகப்பொலிவு, ஆரோக்கியம் கூடும். அலுவலகத்தில் மேலதிகாரியின் ஆதரவு உண்டு. வியாபாரத்தில் புதிய பங்குதாரர்களின் ஆலோசனையை நிராகரிக்காதீர்.
துலாம்: சொன்ன சொல்லைக் காப்பாற்றத் துடிப்புடன் செயல்படுவீர். தாயாரின் உடல்நிலை சீராகும். உறவினர், நண்பர்கள் உதவிகரமாக இருப்பார்கள். பிள்ளைகளால் பெருமையுண்டு. அலுவலகத்தில் அமைதி காக்கவும். வியாபாரத்தை பெரியளவில் விரிவுபடுத்த முயற்சிப்பீர்.
விருச்சிகம்: ஈகோ பிரச்சினை, கருத்து வேறுபாடு தீர்ந்து தம்பதிக்குள் நெருக்கம் கூடும். வெளிப்படையான பேச்சால் சில காரியங்களை முடித்து காட்டுவீர். எதிலும் மகிழ்ச்சி கிட்டும். வியாபாரம் சூடு பிடித்து நல்ல லாபம் பார்க்கலாம். அலுவலகத்தில் மேலதிகாரி பாராட்டுவார்.
தனுசு: மனதுக்கு இதமான செய்தி வரும். உடல்சோர்வு, வயிற்றுவலி சீராகும். பூர்வீக வீடு, மனை, விவசாய நிலம் உள்ளிட்டவற்றை விற்பனை செய்ய முயற்சிப்பீர். வியாபாரத்தில் பாக்கிகள் வசூலாகும். பணியாட்கள் ஆதரவாக இருப்பர். அலுவலகத்தில் அமைதி காக்கவும்
மகரம்: முன்கோபத்தை தவிர்க்கவும். மகனின் வேலை, மகளின் திருமணம் என்று அலைச்சல் வந்துபோகும். குடும்பத்தில் விட்டுக் கொடுத்து போகவும். பூர்வீக வீட்டை விற்பனை செய்வீர். வியாபாரத்தில் பாக்கிகளை போராடி வசூலிப்பீர். அலுவலகத்தில் மதிப்பு உயரும்.
கும்பம்: வெளிவட்டாத்தில் மதிப்பு, மரியாதை உயரும். குடும்பத்தில் சுபநிகழ்ச்சிகள் ஏற்பாடாகும். உறவினர், நண்பர்களிடம் எதிர்பார்த்த உதவிகள் கிட்டும். ஊர் விசேஷங்களுக்கு தலைமை தாங்குவீர். வியாபாரம் சூடு பிடிக்கும். அலுவலகத்தில் மேலதிகாரிகள் பாராட்டுவர்.
மீனம்: புது வகை எலக்ட்ரானிக்ஸ் சாதனம் வாங்குவீர். மனைவி வழியில் பண உதவி கிட்டும். வாகனப் பழுது நீங்கும். யாருக்கும் எந்த வகையிலும் உறுதிமொழி தர வேண்டாம். வியாபாரரீதியாக சில முக்கியஸ்தர்களை சந்திப்பீர்கள். அலுவலகத்தில் யாரையும் குறை கூறாதீர்.
