ஒரே வாரத்தில் அதிகரித்த ஈலோன் மஸ்க்கின் சொத்து மதிப்பு: தற்போது எவ்வளவு தெரியுமா?

உலக பணக்காரர்களில் முதலிடத்தில் ஸ்பேஸ்எக்ஸ், டெஸ்லா, ஸ்டார்லிங்க் ஆகிய நிறுவனங்களின் தலைவர் ஈலோன் மஸ்க் உள்ளார்.

இதற்கிடையே சமீபத்தில் அவரது நிகர சொத்து மதிப்பு 600 பில்லியன் அமெரிக்க டொலர்களை (18,512,000 கோடி இலங்கை ரூபா) எட்டியது.

இதன்மூலம் 600 பில்லியன் அமெரிக்க டொலர்கள் சொத்தை எட்டிய முதல் நபர் என்ற சாதனையை ஈலோன் மஸ்க் படைத்தார்.

இந்த நிலையில் ஈலோன் மஸ்க்கின் சொத்து 700 பில்லியன் அமெரிக்க டொலர்களை தாண்டியுள்ளது.

டெஸ்லா நிறுவனத்தின் மீதான வழக்கில் ஈலோன் மஸ்க்குக்கு சாதகமாக தீர்ப்பு வந்ததையடுத்து அவரது நிகர சொத்து மதிப்பு 749 பில்லியன் அமெரிக்க டொலர்களாக (23,109,646 கோடி இலங்கை ரூபா) உயர்ந்தது.

கடந்த அக்டோபர் மாதத்தில் ஈலோன் மஸ்க்கின் சொத்து மதிப்பு 500 பில்லியன் டொலர் மதிப்பாக இருந்தது.

இதற்கிடையே, 800 பில்லியன் டொலர் மதிப்பீட்டு சந்தையில் ஸ்பேஸ்எக்ஸ் நிறுவனம் பட்டியலிடப்பட வாய்ப்பிருப்பதாகத் தகவல் வெளியான நிலையில், இம்மாதத்தின் 2 ஆவது வாரத்தில் அவரது சொத்து மதிப்பு 600 பில்லியன் டொலரை எட்டியது.

தற்போது ஒரே வாரத்தில் சொத்தின் மதிப்பு 749 பில்லியன் டொலர்களாக உயர்ந்து ஈலோன் மஸ்க் புதிய சாதனையை படைத்து உள்ளார்.