பாசல் (Basel) நகர மருத்துவமனைகளில் வன்முறைச் சம்பவங்கள் கணிசமாக அதிகரித்துள்ளன. பாசல் மாநில அரசு வெளியிட்ட புதிய தகவல்களில் இது தெரியவந்துள்ளது.
பெரும்பாலானவை வாய்மொழி வன்முறை. அதாவது திட்டுவது, அவமானப்படுத்துவது. அடுத்தது மிரட்டல். மூன்றாவது உடல் ரீதியான தாக்குதல். மொத்தச் சம்பவங்களில் ஐந்தில் ஒன்றுக்கு மேல் இது. நோயாளிகள் மட்டுமல்ல, அவர்களின் உறவினர்களும், பார்க்க வருபவர்களும் கூட இப்படி நடந்துகொள்கிறார்கள்.
பாசல் பல்கலைக்கழக மருத்துவமனை (USB) இதைப் பற்றி மிகவும் கவலைப்படுகிறது. சில நேரங்களில் பாதுகாப்புப் பணியாளர்கள் தலையிட வேண்டியுள்ளது. போலீசையும் அழைக்க வேண்டியுள்ளது. இரண்டு ஆண்டுகளுக்கு முன் 132 முறை போலீஸ் வந்தது. கடந்த ஆண்டு 217 முறை வந்தது. வன்முறையை எந்த அளவிலும் ஏற்க மாட்டோம் என்று மருத்துவமனை சொல்கிறது. சிலர் மருத்துவமனைக்குள் வரவே தடை செய்யப்பட்டுள்ளனர்.
பெர்ன் உயர்கல்வி நிறுவனத்தின் தாதியர் துறைப் பேராசிரியர் சபீனா ஹான் (Sabine Hahn) இதைப் பற்றிப் பேசுகிறார். சுவிஸ் முழுவதும் சம்பவங்களின் எண்ணிக்கை ஏறக்குறைய ஒரே அளவில்தான் உள்ளது என்கிறார். ஆனால் மக்களின் பார்வை மாறிவிட்டது. முன்பு வன்முறை வேலையின் ஒரு பகுதி என்று விட்டுவிடுவார்கள். இப்போது அதை யாரும் ஏற்பதில்லை. வலியோடு அவசரப் பிரிவில் காத்திருக்கும்போது பலர் பயத்தில் கோபப்படுகிறார்கள். ஆனாலும் அது சரியல்ல என்கிறார் அவர்.
பணியாளர்களுக்கு அமைதிப்படுத்தும் பயிற்சியை USB கொடுக்கிறது. சம்பவங்களை எளிதாகப் புகார் செய்யவும் முடியும். மரியாதையை வலியுறுத்தும் பிரச்சாரமும் நடந்து வருகிறது.
மூலம்: SRF
புகைப்படம்: Centre for Ageing Better / Unsplash





