கத்தார் நாட்டு மன்னர் ஷேக் தமீம் பின் ஹமத் அல் தானி சுவிஸ்ஸுக்கு வருகிறார். நவம்பர் 18, 19 ஆகிய இரண்டு நாட்கள் அவர் பேர்னில் (Bern) அரசு முறைப் பயணம் செய்கிறார்.
இந்தத் தகவலை சுவிஸ் மத்திய அரசு (Federal Council) வெள்ளிக்கிழமை அறிவித்தது. நவம்பர் 18 புதன்கிழமை அவர் பேர்ன் வருவார். பாராளுமன்றக் கட்டிடத்தின் முன்னால் உள்ள பொது மைதானத்தில் (Bundesplatz) இராணுவ மரியாதையுடன் அவருக்கு வரவேற்பு கொடுக்கப்படும்.
சுவிஸ் அதிபர் கீ பார்மலன் (Guy Parmelin) பேச்சுவார்த்தைகளை நடத்துவார். அமைச்சர்கள் இக்னாசியோ கசீஸ், கரின் கெல்லர்-சுட்டர், ஆல்பர்ட் ரெஸ்டி ஆகியோரும் கலந்து கொள்வார்கள்.
இரு நாடுகளுக்கும் இடையிலான உறவை வலுப்படுத்துவதே முக்கிய நோக்கம். பொருளாதாரம், நிதி, அறிவியல் ஆகிய துறைகள் பேசப்படும். பிராந்திய மோதல்கள், அமைதிக்கான மத்தியஸ்தம், எரிபொருள் விநியோகம் பற்றியும் பேசுவார்கள்.
சமீப ஆண்டுகளில் சுவிஸ்ஸுக்கும் கத்தாருக்கும் இடையிலான உறவு நெருக்கமாகியுள்ளது. இரு நாடுகளும் 2013-ல் ஒன்றின் தலைநகரில் மற்றொன்று தூதரகம் திறந்தன. முதலீடுகளைப் பாதுகாக்கும் ஒப்பந்தமும் 2004 முதல் உள்ளது. கத்தார் இயற்கை எரிவாயுவை அதிகமாக ஏற்றுமதி செய்யும் நாடு. சுவிஸ்ஸிலும் அது பெரிய அளவில் முதலீடு செய்துள்ளது.
மூலம்: Le Matin
புகைப்படம்: Bernardo Lorena Ponte / Unsplash
