தெசின் மாநிலத்தின் (Ticino) வாலேமாஜ்ஜா பள்ளத்தாக்கு (Vallemaggia) தொடர்பான நிதி மோசடி விசாரணை மீண்டும் தொடங்கியுள்ளது. லவிஸ்ஸாரா அறக்கட்டளையின் (Fondazione Lavizzara) மூன்று உறுப்பினர்கள் குற்றம் சாட்டப்பட்டவர்களாக விசாரிக்கப்படவுள்ளனர்.
இந்த வழக்கு 2023-ல் தொடங்கியது. இப்போது அது அரசு வழக்கறிஞர் டானியேலே கல்லியானோவிடம் (Daniele Galliano) போயிருக்கிறது. அவர் புதிய விசாரணையைத் தொடங்கியுள்ளார். இந்த முறை 2020-ன் தொடக்கத்தில் உருவான லவிஸ்ஸாரா சங்கம் அல்ல, அதற்கு முன்பிருந்தே இயங்கும் அறக்கட்டளைதான் இலக்கு.
அந்த அறக்கட்டளை, பள்ளத்தாக்கின் திட்டங்களுக்காக நன்கொடை திரட்டியது. இதற்கு லூசெர்ன் மாநிலத்தில் (Luzern) உள்ள ஒரு நிறுவனத்தின் உதவியைப் பெற்றது. அந்த நிறுவனம் திரட்டிய பணத்தில் 100-க்கு 80 பங்கை தானே வைத்துக்கொண்டது. இதுதான் சந்தேகத்தைக் கிளப்பியது. நிறுவன உரிமையாளர் ஏற்கெனவே விசாரணையில் இருக்கிறார். நிர்வாகச் செலவுகளுக்காகவே அந்தப் பணம் என்கிறார்.
கடந்த வாரம் வழக்கறிஞர் அறக்கட்டளையின் மூன்று உறுப்பினர்களுக்கு அழைப்பு அனுப்பினார். ஜனவரியில் அவர்களிடம் வாக்குமூலம் வாங்கப்படும். மோசடி, அனுமதி இல்லாமல் நிதி இடைத்தரகர் வேலை செய்தது ஆகிய குற்றச்சாட்டுகள் உள்ளன. தொகை பல லட்சம் பிராங்க் வரை இருக்கலாம். ஆனால் எல்லாம் இன்னும் நிரூபிக்கப்படவில்லை.
முன்பு அறக்கட்டளைகளைக் கண்காணிக்கும் அரசு அமைப்பு தலையிட்டிருந்தது. அதன் பிறகு நிறுவனத்தின் பங்கைக் குறைக்க முடிவானது. அப்போதுதான் சங்கம் உருவானது. ஆனால் லூசெர்ன் நிறுவனம் சங்கத்துடன் பழைய நிபந்தனைகளையே தொடர்ந்தது. வழக்கறிஞர் அலுவலகம் இதுபற்றி எதுவும் கூற மறுத்துவிட்டது.
மூலம்: RSI
புகைப்படம்: Anastassia Anufrieva / Unsplash
