வோ மாநிலம் (Vaud), மூடோன் (Moudon) நகரில் ஒரு பெண்ணை காரால் இடித்துவிட்டு நிற்காமல் சென்ற ஓட்டுநரை போலீஸ் தேடுகிறது. பார்த்தவர்கள் முன்வந்து தகவல் தருமாறு போலீஸ் கேட்டுள்ளது.
இந்தச் சம்பவம் கடந்த ஞாயிற்றுக்கிழமை, நவம்பர் 8 அன்று மாலை 4.20 மணியளவில் நடந்தது. இடம் மூடோனில் உள்ள பியேன் தெரு (avenue de Billens).
அந்தப் பெண் நடைபாதையில் நகர மையத்தை நோக்கி நடந்து போய்க்கொண்டிருந்தார். அப்போது ஒரு பக்கச் சாலையில் இருந்து வந்த கார் பிரதான சாலைக்குள் நுழைந்தது. அந்தக் கார் அவரை இடித்து, அவர் காலின் மேல் ஏறியது.
ஓட்டுநர் காரை நிறுத்தவில்லை. அந்தப் பெண்ணைப் பார்த்துக் கத்திவிட்டு, மூடோன் நகர மையம் பக்கமாக ஓட்டிச் சென்றுவிட்டார். காயமடைந்த பெண்ணை அவரது உறவினர்கள் லொசான் பல்கலைக்கழக மருத்துவமனையின் (CHUV) அவசரப் பிரிவுக்குக் கொண்டு சென்றனர்.
இந்த விபத்தைப் பார்த்தவர்கள், அல்லது அந்தக் காரைப் பற்றி ஏதாவது தெரிந்தவர்கள் அருகிலுள்ள போலீஸ் நிலையத்தைத் தொடர்பு கொள்ளலாம். வோ மாநில போலீஸின் தொலைபேசி எண்: 021 343 15 10.
மூலம்: Le Matin
புகைப்படம்: Mohammad Alizade / Unsplash
