கோட்ஹார்ட் (Gotthard) சுரங்கப்பாதை அருகே A2 நெடுஞ்சாலையில் உள்ள CUPRA தனிப் பாதை “ஒரு நல்ல சமரசம்” என்று சுவிஸ் மத்திய அரசு (Federal Council) கூறியுள்ளது. தெசின் மாநிலத்தைச் (Ticino) சேர்ந்த நாடாளுமன்ற உறுப்பினர் லொரென்சோ குவாட்ரி (Lorenzo Quadri) கேட்ட கேள்விக்கு அரசு இப்படிப் பதில் அளித்தது.
CUPRA என்பது ஐரோலோ (Airolo) பக்கமும் மலைப்பாதைகள் பக்கமும் போகும் வாகனங்களுக்கான தனிப் பாதை. தெற்கு வாசலில் வாகன வரிசை கிட்டத்தட்ட 2 கிலோமீட்டர் நீளம் ஆனால், இந்தப் பாதையைத் திறப்பார்கள். பயண நேரம், பாதுகாப்பு, வியாபாரம், அங்கே வாழ்பவர்களின் அமைதி ஆகிய எல்லாவற்றையும் சமன் செய்ய இது உதவுகிறது என்று அரசு சொல்கிறது.
மே 15 முதல் செப்டம்பர் 6 வரை உள்ள 115 நாட்களில், 111 நாட்கள் இந்தப் பாதை திறந்திருந்தது. ஒரு நாளைக்குச் சராசரியாக 9 மணி நேரம் இயங்கியது.
ஆனாலும் வார இறுதி நாட்களில் இன்னும் பிரச்சினை இருக்கிறது. வடக்கே போகும் வாகனங்களில் 8-ல் 1 நெடுஞ்சாலையை விட்டு இறங்கி, உள்ளூர் சாலைக்குள் புகுந்தது. ஒரு நாளில் அதிகபட்சமாகச் சராசரியாக கிட்டத்தட்ட 3000 வாகனங்கள் அப்படிப் போயின. இது கடந்த ஆண்டை விட 900-க்கும் மேல் குறைவு.
வாகன ஓட்டிகள் நெடுஞ்சாலையை விட்டு இறங்குவதை அரசால் தடுக்க முடியாது. அவர்களுக்கு விழிப்புணர்வு கொடுக்க மட்டுமே முடியும் என்று அரசு கூறுகிறது. வழிகாட்டும் டிஜிட்டல் செயலிகளில் இப்போது ஒரே ஒரு நிறுவனம்தான் CUPRA பாதையைச் சேர்த்துள்ளது. மற்றவர்களும் சேர்க்க வேண்டும் என்று சுவிஸ் சாலைகள் துறை (Federal Roads Office) வலியுறுத்துகிறது.
மூலம்: RSI
புகைப்படம்: Herman Mahal / Unsplash
