புதிய வீடியோ கேம் GTA 6-ஐ முன்கூட்டியே இறக்கிக்கொள்ள இந்த வாரம் அனுமதி கிடைத்தது. அதனால் சுவிஸ்ஸில் இன்டர்நெட் பயன்பாடு திடீரென அதிகரித்துள்ளது.
இது உலகப் புகழ்பெற்ற GTA கேம் வரிசையின் புதிய பாகம். கேம் அதிகாரப்பூர்வமாக வெளிவருவதற்கு முன்பே, ரசிகர்கள் அதை தங்கள் கன்சோலில் இறக்கி வைத்துக்கொள்ளலாம். பலர் ஒரே நேரத்தில் இறக்கியதால் நெட்வொர்க்கில் நெரிசல் ஏற்பட்டது.
சுவிஸ் இன்டர்நெட் நிறுவனங்களில் ஒன்றான சன்ரைஸ் (Sunrise), ஒரு முழு நாளில் வழக்கத்தை விட கிட்டத்தட்ட மூன்றில் ஒரு பங்கு அதிக டேட்டா பயன்பாட்டைப் பதிவு செய்தது. சில நேரங்களில் இது இன்னும் பல மடங்கு உயர்ந்தது. சால்ட் (Salt) நிறுவனத்தில் சில இடங்களில் மட்டுமே அதிகரிப்பு தெரிந்தது. சுவிஸ்காம் (Swisscom) எந்த எண்ணிக்கையையும் வெளியிடவில்லை.
இந்த கேம் 200 GB-க்கும் மேல் பெரியது. வேகமான 500 Mbit/s இணைப்பு இருந்தால் இறக்க கிட்டத்தட்ட ஒரு மணி நேரம் ஆகும். 1 Gbit/s இணைப்பு இருந்தால் சுமார் அரை மணி நேரம் போதும்.
கேம் நவம்பர் 19 அன்று அதிகாரப்பூர்வமாக வெளிவருகிறது. அப்போது மீண்டும் டேட்டா பயன்பாடு உயரும் என்று நிறுவனங்கள் எதிர்பார்க்கின்றன. அதற்குத் தயாராக இருப்பதாகவும் சொல்கின்றன. சோனி சொல்வதன்படி, பிளேஸ்டேஷன் கடையில் இவ்வளவு அதிகமாக முன்பதிவு செய்யப்பட்ட கேம் இதுவரை இல்லை.
மூலம்: RSI
புகைப்படம்: JESHOOTS.COM / Unsplash
