சுவிஸ் வோ மாநிலத்தில் (Vaud) சுமார் 41,500 மாணவர்கள், ஆசிரியர்களின் தகவல்களைத் திருடியதாக 16 வயது சிறுவன் ஒருவன் மீது சந்தேகம் எழுந்துள்ளது. போலீஸ் அவனைக் கைது செய்து விசாரித்தது.
திருடப்பட்டவை பெயர்கள், பள்ளி ஈமெயில் முகவரிகள். கட்டாயப் பள்ளிக் கல்விக்குப் பிறகு படிக்கும் நிறுவனங்களின் கணினி உதவித் தளத்தில் (support platform) இந்தத் திருட்டு நடந்தது. அக்டோபர் 23 முதல் 26 வரை இது நடந்திருக்கலாம் என்று போலீஸ் சொல்கிறது.
தகவல் திருட்டு பற்றி மாநில அரசு சனிக்கிழமை அறிவித்தது. அன்றே, அக்டோபர் 31 அன்று, சிறுவன் கைதானான். அவனுடைய கணினி சாதனங்களை போலீஸ் பறிமுதல் செய்தது. விசாரணைக்குப் பிறகு அவன் விடுவிக்கப்பட்டான்.
அவன் மீது குற்ற வழக்கு பதிவாகியுள்ளது. வழக்கை சிறார் நீதிமன்றம் (Tribunal des mineurs) பார்க்கிறது. இந்தத் தகவல்கள் வேறு யாருக்காவது போய்ச் சேர்ந்ததா என்பதைத்தான் இப்போது முதலில் கண்டுபிடிக்கிறார்கள்.
ஒரு ஆறுதலான செய்தியும் உண்டு. திருடப்பட்ட தரவுத் தளத்தில் பாஸ்வேர்டுகள் இல்லை. மதிப்பெண்கள், மாணவர்களின் பள்ளிக் கோப்புகள் போன்ற தகவல்களும் இல்லை.
மூலம்: Le Matin
புகைப்படம்: FlyD / Unsplash
