டிசம்பர் 3, 4 தேதிகளில் டிச்சினோ மாநிலத்தின் லுகானோ (Lugano) நகரில் முக்கியமான சர்வதேசக் கூட்டம் நடக்கிறது. ஐரோப்பாவின் பாதுகாப்பு, ஒத்துழைப்புக்கான அமைப்பு (OSCE) உறுப்பு நாடுகளின் வெளியுறவு அமைச்சர்கள் அங்கு சந்திக்கிறார்கள்.
இந்த ஆண்டு OSCE-யின் தலைமைப் பொறுப்பு சுவிசிடம் உள்ளது. சுவிஸ் மத்திய அரசின் அமைச்சர் இக்னாசியோ கசிஸ் (Ignazio Cassis) இதைப் பற்றிப் பேட்டியில் பேசினார். மொத்தம் 57 நாடுகளின் அமைச்சர்களும் வர வேண்டும் என்பது அவர் ஆசை. ரஷ்யாவின் லாவ்ரோவும் அமெரிக்காவின் ரூபியோவும் வந்தால் கூட்டத்தின் முக்கியத்துவம் இன்னும் கூடும்.
ஒன்றுக்கொன்று எதிரான நிலைப்பாடு உள்ள நாடுகளும் பாதுகாப்பாகச் சந்தித்துப் பேசுவதற்கு இடம் கொடுப்பதே சுவிசின் வேலை என்கிறார் கசிஸ். பிடிக்காதவர்களுடனும் பேசியே ஆக வேண்டும் என்பது அவர் கருத்து. யுக்ரேன் விஷயத்தில் ரஷ்யாவும் அமெரிக்காவும் லுகானோவில் பேச விரும்பினால், அதற்குச் சுவிஸ் தயாராக இருக்கும்.
இணையப் பாதுகாப்பு, புதிய தொழில்நுட்பம் பற்றி எல்லா நாடுகளும் சேர்ந்து ஒரு கூட்டறிக்கை வெளியிட்டால் அதுவே பெரிய வெற்றி என்கிறார். கடந்த ஆண்டு அது முடியவில்லை. யுக்ரேனில் போர் நிறுத்தம் வந்தால், OSCE ஒரே நாளில் 40 பேர் கொண்ட முதல் குழுவை அங்கே அனுப்ப முடியும்.
இடத்தையும் உதவியையும் சுவிஸ் தரும். ஆனால் சமாதானத்தை விரும்ப வேண்டியது அந்த நாடுகள்தான் என்று கசிஸ் சொன்னார்.
மூலம்: RSI
புகைப்படம்: Maksym Harbar / Unsplash
