சுவிஸில் ஆண்கள் பெண்களை விடக் கிட்டத்தட்ட மூன்றரை ஆண்டுகள் குறைவாக வாழ்கிறார்கள். இதற்கான காரணங்களை ஆராயும் மூன்று புதிய ஆய்வுகள் பிரிட்டிஷ் மருத்துவ இதழான «தி லான்செட்» (The Lancet) இல் வெளியாகியுள்ளன.
ஆய்வுகள் சமூகக் காரணங்களை உன்னிப்பாகப் பார்த்தன. வறுமை, வீடு இல்லாத நிலை, சிறைவாசம், வேலை மற்றும் வாழ்க்கை நிலைமைகள் ஆண்களின் ஆயுளைப் பாதிக்கின்றன. சிகரெட், மது, வேகமான மோட்டார்சைக்கிள் போன்ற ஆபத்தான பழக்கங்களும் இதில் அடங்கும்.
சூரிச் பல்கலைக்கழக மருத்துவமனையின் (USZ) இதய மருத்துவ நிபுணர் கரோலின் லெர்ஷென்முல்லர் (Carolin Lerchenmüller) இதை விளக்கினார். உடல் அமைப்பும் ஒரு காரணம் என்கிறார். பெண்களின் உடலில் உள்ள சில ஹார்மோன்கள் சில நோய்களிலிருந்து காக்கின்றன. துறவிகள், கன்னியாஸ்திரிகள் பற்றிய ஆய்வில், வாழ்க்கை நிலை ஒரே மாதிரி இருந்தாலும் ஆயுளில் வித்தியாசம் இருந்தது.
ஆண்கள் டாக்டரிடம் குறைவாகவே போகிறார்கள். அதனால் நோய் வருமுன் பரிசோதனை செய்துகொள்ள அவர்களை ஊக்குவிக்க வேண்டும் என்கிறார். ஆன்லைன் அப்பாயின்மென்ட் போன்ற எளிய வழிகள் உதவலாம்.
மன அழுத்தமும் ஒரு பிரச்சினை. ஆண்களுக்கு மன அழுத்தம் இருப்பதை டாக்டர்கள் பல நேரங்களில் கண்டுபிடிப்பதில்லை. காரணம், பரிசோதனை முறைகளும் சிகிச்சைகளும் பெரும்பாலும் பெண்களுக்கு ஏற்றபடி உருவாக்கப்பட்டவை.
மூலம்: SRF
புகைப்படம்: Online Marketing / Unsplash
