சுவிஸ்ஸில் பெரும்பாலானோர் வீட்டுக்குள் வந்தவுடன் முதலில் ஷூவைக் கழற்றி விடுகிறார்கள். வீட்டுப் பொருட்கள் விற்கும் இகியா (Ikea) நிறுவனம் செவ்வாய்க்கிழமை வெளியிட்ட ஆய்வில் இது தெரியவந்துள்ளது.
10 பேரில் 9 பேர் வீட்டுக்குள் ஷூவுடன் நடப்பதில்லை. அதன் பிறகு கிட்டத்தட்ட பாதிப் பேர் வீட்டில் போடும் உடைக்கு மாறுகிறார்கள். வசதியாக இருக்க வேண்டும் என்பதுதான் முக்கிய காரணம். பெரிய நகரங்களில் சுத்தத்துக்காகவும் உடை மாற்றுகிறார்கள்.
கட்டில் விஷயத்தில் இன்னும் கண்டிப்பு. வெளியே போட்டுப் போன உடையுடன் கட்டிலில் உட்காருவது 10 பேரில் 6 பேருக்கு அறவே பிடிக்காது. 18 முதல் 35 வயது இளைஞர்கள் இதில் கொஞ்சம் தளர்வாக இருக்கிறார்கள்.
வீடு ஒழுங்காக இருந்தால்தான் நிம்மதி என்று பலர் சொல்கிறார்கள். சமையலறைதான் மிகவும் ஒழுங்கான அறை. பாதாள அறையையும் சாமான் அறையையும் ஒழுங்காக வைப்பது கஷ்டம். நான்கில் மூன்று குடும்பங்களில், கண்டதையும் போட்டு வைக்கும் ஒரு “குழப்ப இழுப்பறை” இருக்கிறது.
வீட்டில் சண்டை வர, சுத்தத்தை விட ஒழுங்கின்மைதான் பெரிய காரணம். இதனால் பெண்கள்தான் அதிகம் எரிச்சல் அடைகிறார்கள். வீட்டு வேலைக்குத் தாங்களே பொறுப்பு என்றும் பெண்கள் அதிகம் உணர்கிறார்கள். 7 முதல் 13 வயதுப் பிள்ளைகள் உள்ள வீடுகளில், சிதறிக் கிடக்கும் விளையாட்டுச் சாமான்களுக்காக வாரந்தோறும் வாக்குவாதம் நடக்கிறது.
சுவிஸ் முழுவதும் உள்ள பலரிடம் ஏப்ரல் மாதம் ஆன்லைனில் கேள்விகள் கேட்கப்பட்டன.
மூலம்: RSI
புகைப்படம்: Barney Goodman / Unsplash
